പ്രായപൂര്‍ത്തിയാകാത്ത പെണ്‍കുട്ടികളെ ലക്ഷ്യമിട്ട് വലവിരിക്കും; പോക്‌സോ കേസില്‍ യുവാവ് വീണ്ടും അറസ്റ്റില്‍

കോഴിക്കോട് ചേമഞ്ചേരിയിൽ വയോധികൻ പെട്രോളൊഴിച്ച് തീകൊളുത്തി ആത്മഹത്യക്ക് ശ്രമിച്ചു. സാരമായി പൊള്ളലേറ്റ 65-കാരനായ രവിയെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ആത്മഹത്യാ ശ്രമത്തിന്റെ കാരണം വ്യക്തമല്ല.

കോഴിക്കോട്: ദേഹത്ത് പെട്രോള്‍ ഒഴിച്ച് തീകൊളുത്തി ആത്മഹത്യക്ക് ശ്രമിച്ച വയോധികനെ സാരമായി പൊള്ളലേറ്റ നിലയില്‍ ആശുപത്രിയില്‍ പ്രവേശിപ്പിച്ചു. കോഴിക്കോട് ചേമഞ്ചേരി കാഞ്ഞിലശ്ശേരിയിലാണ് ആത്മഹത്യാ ശ്രമം നടന്നത്. സാരമായി പൊള്ളലേറ്റ പടിക്കല്‍കണ്ടി രവിയെ(65) ആണ് കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചത്.

ഇന്നലെ രാത്രി 9.30ഓടെയാണ് സംഭവം നടന്നത്. മുന്‍ ചേമഞ്ചേരി ഗ്രാമപഞ്ചായത്ത് അംഗം ഇ. അനില്‍കുമാറിന്റെ വീട്ടുമുറ്റത്ത് വെച്ചാണ് ഇദ്ദേഹം ദേഹത്ത് പെട്രോള്‍ ഒഴിച്ച് ആത്മഹത്യക്ക് ശ്രമിച്ചത്. തീ പടരുന്നത് കണ്ട് അയല്‍വാസികള്‍ ഓടിയെത്തിയപ്പോഴാണ് സംഭവം പുറത്തറിയുന്നത്. വിവരമറിഞ്ഞ് കൊയിലാണ്ടി പോലീസും ഫയര്‍ഫോഴ്‌സും സ്ഥലത്തെത്തി. പിന്നീട് ആംബുലന്‍സില്‍ ഇദ്ദേഹത്തെ ആശുപത്രിയിലേക്ക് മാറ്റുകയായിരുന്നു. ആത്മഹത്യാ ശ്രമത്തിന്റെ കാരണം വ്യക്തമല്ല.