വീടിന്റെ രണ്ടാം നിലയിൽ നിന്ന് ഓട് നിലത്ത് വീണു, ശബ്ദം കേട്ടെത്തിയ വീട്ടുകാര് ഞെട്ടി; കഴുക്കോലിൽ ഇരവിഴുങ്ങിയ കൂറ്റൻ പെരുമ്പാമ്പ്!
Synopsis
മൂവാറ്റുപുഴ കാവുംപടി റോഡിലുള്ള വീട്ടിലാണ് പെരുമ്പാമ്പ് കടന്നുകൂടിയത്
കൊച്ചി: മൂവാറ്റുപുഴയിൽ വീട്ടിൽ നിന്ന് കൂറ്റൻ പെരുമ്പാവിനെ പിടികൂടി. മൂവാറ്റുപുഴ കാവുംപടി റോഡിലുള്ള വീട്ടിലാണ് പെരുമ്പാമ്പ് കടന്നുകൂടിയത്. വീടിന്റെ രണ്ടാം നിലയിലെ ഓടിന് താഴെയായി കഴുക്കോലിൽ കുരുങ്ങിയ നിലയിലാണ് പെരുമ്പാമ്പിനെ കണ്ടെത്തിയത്.
ഇരവിഴുങ്ങിയ നിലയിലായിരുന്നു പെരുമ്പാമ്പുണ്ടായിരുന്നത്. പെരുമ്പാമ്പിനെ കണ്ടെത്തിയ വിവരം വനംവകുപ്പിനെ അറിയിക്കുകയായിരുന്നു. തുടര്ന്ന് ഫോറസ്റ്റ് റെസ്ക്യൂവറായ സേവി പൂവൻ സ്ഥലത്തെത്തി. 15 കിലോയലധികം തൂക്കം വരുന്ന പെരുമ്പാമ്പിനെ രണ്ടു മണിക്കൂറിലധം നീണ്ട ശ്രമകരമായ ദൗത്യത്തിനൊടുവിലാണ് പിടികൂടാനായത്.
രണ്ടാം നിലയിൽ നിന്നും ഓട് നിലത്ത് വീഴുന്ന ശബ്ദം കേട്ട് നോക്കിയപ്പോഴാണ് വീട്ടുകാര് പാമ്പിനെ ആദ്യം കണ്ടെത്തിയത്. സേവി പൂവൻ സ്ഥലത്തെത്തി ഏറെ പണിപ്പെട്ടാണ് കഴുക്കോലിൽ നിന്ന് പാമ്പിനെ താഴെയിറക്കിയത്. കഴുക്കോലിൽ ചുറ്റിവരിഞ്ഞ പാമ്പിനെ ആദ്യം താഴെ എത്തിച്ചു.
പിന്നീട് പുറത്തേക്ക് കൊണ്ടുവന്നാണ് പിടികൂടിയത്. പുറത്തെത്തിച്ചശേഷവും പാമ്പ് ബാഗിനുള്ളിൽ കയറാതെ ഇഴഞ്ഞു നീങ്ങാൻ ശ്രമിച്ചെങ്കിലും ഒടുവിൽ പാമ്പിനെ ബാഗിലാക്ക് കൊണ്ടുപോവുകയായിരുന്നു. രണ്ടാം നിലയിലെ ഓടിനിടയില് കൂടെയാണോ അതോ മറ്റേതെങ്കിലും വഴിയാണോ പെരുമ്പാമ്പ് കയറിയതെന്ന് വ്യക്തമല്ല.
വീടിന്റെ കഴുക്കോലിൽ കുടുങ്ങിയ പെരുമ്പാമ്പിനെ പിടികൂടുന്നതിന്റെ വീഡിയോ ദൃശ്യം:
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam