ആദ്യബോട്ടിൽ ഉപയോഗിച്ചപ്പോൾ ഫലപ്രദം, പിന്നാലെ വന്നത് വൃക്ക രോഗം, ഫെയർനെസ് ക്രീമിൽ അമിത അളവിൽ മെർക്കുറി, നിയമനടപടിക്ക് 17കാരി

Published : Nov 21, 2026, 10:53 AM IST
face cream cause kidney failure

Synopsis

ഇൻസ്റ്റഗ്രാം ഇൻഫ്ലുവൻസമാരുടെ വീഡിയോ കണ്ടാണ് ഓൺലൈനിൽ ഫെയറ്നസ് ക്രീം ഓർഡർ ചെയതത്. നൈറ്റ് ക്രീം ആയി ആണ് ഉപയോഗിച്ചിരുന്നത്

മലപ്പുറം: ഇൻസ്റ്റാഗ്രാം പരസ്യം കണ്ട് വാങ്ങിയ ഫെയർനെസ് ക്രീമിലെ വിഷബാധ മൂലം ഗുരുതര വൃക്കരോഗം ബാധിച്ച് 17കാരി. പരിശോധനയിൽ ക്രീമിൽ അപകടകരമായ അളവിൽ മെർക്കുറി. പരാതിപ്പെട്ടിട്ടും കമ്പനി ഗൗനിക്കാതെ വന്നതോടെ നിയമനടപടിക്ക് ഒരുങ്ങുകയാണ് 17കാരി. ഓൺലൈൻ വഴി വാങ്ങിയ ക്രീമിലാണ് 1.25 ശതമാനം മെർക്കുറി അടങ്ങിയിട്ടുള്ളതായി പരിശോധനയിൽ സ്ഥിരീകരിച്ചത്. മുഖക്കുരു, കരുവാളിപ്പ് എന്നിവ പോകുമെന്നായിരുന്നു ക്രീമിന്റെ കമ്പനി അവകാശപ്പെട്ടിരുന്നത്. ഫെയ്സ് ക്രീം കന്പനിക്കെതിരെ ഉഭഭോക്തൃ കോടതിയെ സമീപിക്കാൻ ഒരുങ്ങുകയാണ് കുടുംബം. ഇൻസ്റ്റഗ്രാം ഇൻഫ്ലുവൻസമാരുടെ വീഡിയോ കണ്ടാണ് ഓൺലൈനിൽ ഫെയറ്നസ് ക്രീം ഓർഡർ ചെയതത്. നൈറ്റ് ക്രീം ആയി ആണ് ഉപയോഗിച്ചിരുന്നത്. പതിനഞ്ച് ദിവസം കൊണ്ട് മുഖകാന്തി വർദ്ധിപ്പിക്കുമെന്നായിരുന്നു ഇന്സ്റ്റഗ്രാമിൽ വ്യാപകമായി ഈ കമ്പനി നടത്തിയിരുന്ന വാഗ്ദാനം.

ആദ്യബോട്ടിൽ ഉപയോഗിച്ചപ്പോൾ ഫലപ്രദമെന്ന് തോന്നി,ഒരു കൊല്ലത്തിനിടെ മൂന്ന് ബോട്ടിൽ ഉപയോഗിച്ചു. ഇതോടെയാണ് ആരോഗ്യപ്രശ്നങ്ങൾ തുടങ്ങിയത്. വിശദമായ പരിശോധനയിൽ കുട്ടിയുടെ രക്തത്തിലും ശരീരത്തിലും അപകടകരമായ അളവിൽ മെർക്കുറി കണ്ടെത്തി. മെർക്കുറി വൃക്കകളുടെ അരിപ്പകളെ സാരമായി ബാധിക്കും. മൂത്രത്തിലൂടെ പ്രോട്ടീൻ നഷ്ടപ്പെടുന്ന നെഫ്രോട്ടിക് സിൻഡ്രോം എന്ന അവസ്ഥയിലേക്ക് എത്തിക്കും. നിയമനടപടികൾ ആരംഭിക്കുന്നതിനാലാണ് കുടുംബം ഈ ക്രീമിന്റെ പേര് പരസ്യപ്പെടുത്താത്തത്. ആരോഗ്യ പ്രശ്നങ്ങൾ ഈ കന്പനിയെ അറിയിച്ചെങ്കിലും പോസറ്റീവായിരുന്നില്ല പ്രതികരണം.

ഏഷ്യാനെറ്റ് ന്യൂസ് ലൈവ് കാണാം

PREV

കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News  അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

 

Read more Articles on
click me!

Recommended Stories

മിഠായി അല്ല, ശ്വാസകോശത്തിൽ കുടുങ്ങിയത് അമരക്കായക്കുരു; തൃശ്ശൂരിൽ ഒന്നരവയസ്സുകാരന് ദാരുണാന്ത്യം
കഞ്ചാവ് വില്‍പ്പന പൊലീസില്‍ അറിയിച്ചതിലുള്ള വൈരാഗ്യം; യൂത്ത് കോണ്‍ഗ്രസ് മണ്ഡലം പ്രസിഡന്‍റിന്‍റെ വീടിന് നേരെ ആക്രമണം