യാത്രക്കാരുടെ ശ്രദ്ധയ്ക്ക്, പാലക്കാട്- ഷൊർണൂർ റൂട്ടിൽ ശനിയാഴ്ചകളിൽ മാത്രം സർവീസ് നടത്തിയിരുന്ന ട്രെയിൻ റദ്ദാക്കി

ശനിയാഴ്ചകളിൽ മാത്രം സർവീസ് നടത്തിയ ട്രെയിനാണ് പൂർണമായും റദ്ദാക്കിയത്. പകരം കോഴിക്കോട് - പാലക്കാട് അൺറിസർവ്ഡ് സ്പെഷ്യൽ എക്സ്പ്രസ് പ്രതിദിന സ്പെഷ്യൽ എക്സ്പ്രസായി സർവീസ് നടത്തും.

പാലക്കാട്: കോഴിക്കോട് - ഷൊർണൂർ ജംഗ്ഷൻ - കണ്ണൂർ അൺറിസർവ്ഡ് വീക്ക്‌ലി സ്പെഷ്യൽ എക്സ്പ്രസ് റദ്ദാക്കി. ശനിയാഴ്ചകളിൽ മാത്രം സർവീസ് നടത്തിയ ട്രെയിനാണ് പൂർണമായും റദ്ദാക്കിയത്. പകരം കോഴിക്കോട് - പാലക്കാട് അൺറിസർവ്ഡ് സ്പെഷ്യൽ എക്സ്പ്രസ് പ്രതിദിന സ്പെഷ്യൽ എക്സ്പ്രസായി സർവീസ് നടത്തുമെന്ന് റെയിൽവേ അറിയിച്ചു. അഞ്ച് ദിവസം മാത്രമായിരുന്ന സർവീസ് എല്ലാ ദിവസത്തേക്കും നിജപ്പെടുത്തിയതോടെയാണ് സ്പെഷ്യൽ എക്സ്പ്രസ് റദ്ദാക്കിയത്.