കുവൈത്തിലേക്ക് കടന്നപ്പോൾ ലുക്കൗട്ട് നോട്ടീസ്, കൊച്ചിയിലെത്തിയപ്പോൾ കുടുങ്ങി; പോക്സോ കേസ് പ്രതി അറസ്റ്റിൽ

കേസുകളിൽ പ്രതിയായ ശേഷം കുവൈത്തിലേക്ക് കടന്ന പ്രതിക്കെതിരെ പൊലീസ് ലുക്കൗട്ട് നോട്ടീസ് പുറപ്പെടുവിച്ചിരുന്നു. 

തൃശൂർ : തൃശൂർ മെഡിക്കൽ  കോളജ് പൊലീസ് സ്റ്റേഷനിലെ ബലാത്സംഗ കേസിലെയും വലപ്പാട് പൊലീസ് സ്റ്റേഷനിലെ പോക്സോ കേസിലെയും പ്രതിയായ തളിക്കുളം സ്വദേശിയായ സ്റ്റിജിത്തിനെ മെഡിക്കൽ കോളജ് പൊലീസ് പിടികൂടി. കേസുകളിൽ പ്രതിയായ ശേഷം കുവൈത്തിലേക്ക് കടന്ന പ്രതിക്കെതിരെ പൊലീസ് ലുക്കൗട്ട് നോട്ടീസ് പുറപ്പെടുവിച്ചിരുന്നു. 

ഇക്കഴിഞ്ഞ ദിവസം നെടുമ്പാശ്ശേരി എയർപോർട്ടിൽ വന്നിറങ്ങിയ പ്രതിയെ ഇമിഗ്രേഷൻ ഉദ്യോഗസ്ഥർ തടഞ്ഞു വച്ച ശേഷം മെഡിക്കൽ കോളജ് പൊലീസിന് കൈമാറി. മെഡിക്കൽ കോളജ് പൊലീസ് പ്രതിയെ കോടതിയിൽ ഹാജരാക്കുകയും കോടതി പ്രതിയെ റിമാൻഡ് ചെയ്യുകയും ചെയ്തു. മെഡിക്കൽ കോളജ് ഇൻസ്പെക്ടർ ഷാജുവിൻ്റെ നേത്യത്വത്തിലുള്ള സംഘമാണ് പ്രതിയെ പിടികൂടിയത്.

ഏഷ്യാനെറ്റ് ന്യൂസ് ലൈവ് കാണാം