ചീരയ്ക്കൊപ്പം പൊതിഞ്ഞ് കഞ്ചാവ്, പെരുമ്പാവൂരിൽ 'ഭായ്‍'യുടെ ബസ് യാത്ര; പൊലീസിനെ കണ്ടതും വലിച്ചെറിയാൻ ശ്രമം

പെരുമ്പാവൂരിൽ കഞ്ചാവുമായി ഇതര സംസ്ഥാന തൊഴിലാളി പിടിയിൽ. അസം സ്വദേശി ഹസീബുൾ ആണ് കഞ്ചാവുമായി പിടിയിലായത്. ചീരയ്ക്കൊപ്പം പൊതിഞ്ഞ് കഞ്ചാവ് കടത്താൻ ശ്രമിക്കുകയായിരുന്നു. ബസിൽ നിന്നാണ് പൊലീസ് പ്രതിയെ പിടികൂടിയത്. 

പെരുമ്പാവൂർ: പെരുമ്പാവൂരിൽ പച്ചക്കറിക്കൊപ്പം കഞ്ചാവ് ഒളിപ്പിച്ച് കടത്താൻ ശ്രമം. സംഭവത്തിൽ ഇതര സംസ്ഥാനക്കാരനെ പൊലീസ് ബസിനുള്ളിൽനിന്ന് പിടികൂടി. അസം സ്വദേശി ഹസീബുൾ ആണ് കഞ്ചാവ് കടത്താൻ ശ്രമിച്ചത്. ചീരയ്ക്കൊപ്പം പൊതിഞ്ഞു സൂക്ഷിച്ച നിലയിലായിരുന്നു കഞ്ചാവ്.

ഓപ്പറേഷൻ തൂഫാൻ്റെ ഭാഗമായി പൊലീസ് പെരുമ്പാവൂരിൽ ഞായറാഴ്ച നടത്തിയ പരിശോധനയിലാണ് സംഭവം. ബസിൽ പൊലീസ് നടത്തിയ പരിശോധനയ്ക്കിടെ പ്രതി ബസിൻ്റെ ബർത്തിലേക്ക് കഞ്ചാവ് വലിച്ചെറിഞ്ഞ് രക്ഷപ്പെടാൻ ശ്രമിക്കുകയായിരുന്നു. എന്നാൽ പൊലീസ് പ്രതിയെ പിടികൂടി.

അതിനിടെ, പെരുമ്പാവൂരിൽ നിരോധിത ലഹരിവസ്തുക്കൾ കടത്താൻ ശ്രമിച്ചതിന് മറ്റു ചിലരും പിടിയിലായി. നിരോധിത ലഹരിവസ്തുക്കൾ സ്വകാര്യ ബസുകളിൽ കടത്താൻ ശ്രമിക്കവെയാണ് അറസ്റ്റുണ്ടായത്.