നാണമില്ലേ എന്ന് പ്രിയങ്ക ​ഗാന്ധി, യുദ്ധം ചെയ്ത് തിരിച്ചെത്തിയ പോലെയെന്ന് ​ഗൗരവ് ​ഗൊ​ഗോയ്; ബിജെപി എംപിമാരുടെ സ്വീകരണപരിപാടിക്ക് രൂക്ഷവിമർശനം

പാകിസ്ഥാനെതിരേ യുദ്ധം ചെയ്ത് തിരിച്ചെത്തിയ പോലെയാണ് ബിജെപി എംപിമാർ ധർമേന്ദ്ര പ്രധാനെ പാർലമെന്റിലേക്ക് സ്വീകരിച്ചതെന്ന് കോൺ​ഗ്രസ് എംപി ​ഗൗരവ് ​ഗൊ​ഗോയ് പറഞ്ഞു. പൊതുപരീക്ഷകളിലെ ക്രമക്കേട് തടയാനുള്ള ബില്ലിൽ ചർച്ച നടക്കുന്നതിനിടെയാണ് കോൺ​ഗ്രസ് എംപിമാർ കഴിഞ്ഞദിവസത്തെ സ്വീകരണത്തെ വിമർശിച്ചത്.

ന്യൂഡൽഹി: കേന്ദ്രമന്ത്രിസ്ഥാനം രാജിവെച്ച ധർമേന്ദ്ര പ്രധാന് ബിജെപി എംപിമാർ പാർലമെന്റിൽ നൽകിയ സ്വീകരണത്തെ വിമർശിച്ച് പ്രതിപക്ഷം. കോൺ​ഗ്രസ് നേതാക്കളായ പ്രിയങ്ക ​ഗാന്ധി, ​ഗൗരവ് ​ഗൊ​ഗോയ് തുടങ്ങിയവരാണ് ധർമേന്ദ്ര പ്രധാന് ബിജെപി എംപിമാർ നൽകിയ സ്വീകരണത്തെ അതിരൂക്ഷമായി വിമർശിച്ചത്.

പാകിസ്ഥാനെതിരേ യുദ്ധം ചെയ്ത് തിരിച്ചെത്തിയ പോലെയാണ് ബിജെപി എംപിമാർ ധർമേന്ദ്ര പ്രധാനെ പാർലമെന്റിലേക്ക് സ്വീകരിച്ചതെന്ന് കോൺ​ഗ്രസ് എംപി ​ഗൗരവ് ​ഗൊ​ഗോയ് പറഞ്ഞു. പൊതുപരീക്ഷകളിലെ ക്രമക്കേട് തടയാനുള്ള ബില്ലിൽ ചർച്ച നടക്കുന്നതിനിടെയാണ് കോൺ​ഗ്രസ് എംപിമാർ കഴിഞ്ഞദിവസത്തെ സ്വീകരണത്തെ വിമർശിച്ചത്.

രാജിവെച്ച മന്ത്രിയെ ഇത്തരത്തിൽ സ്വീകരിച്ചതിൽ നാണം തോന്നുന്നില്ലേ എന്നായിരുന്നു പ്രിയങ്ക ​ഗാന്ധിയുടെ ചോദ്യം. ഏത് സാഹചര്യത്തിലാണ് ധർമേന്ദ്ര പ്രധാൻ രാജിവെച്ചതെന്ന് എല്ലാവരും കണ്ടതാണ്. പക്ഷേ, കഴിഞ്ഞദിവസം ഒരു സൂപ്പർസ്റ്റാറിനെപ്പോലെയാണ് ബിജെപി എംപിമാർ അദ്ദേഹത്തെ പാർലമെന്റിലേക്ക് സ്വാ​ഗതം ചെയ്തതെന്നും പ്രിയങ്ക ​ഗാന്ധി പറഞ്ഞു.

ലോക്സഭ പ്രതിപക്ഷ നേതാവ് രാഹുൽ​ഗാന്ധിയും ബിജെപി സ്വീകരണത്തെ കഴിഞ്ഞദിവസം രൂക്ഷമായി വിമർശിച്ചിരുന്നു. രാജ്യത്തെ വിദ്യാഭ്യാസ സംവിധാനത്തിന്റെ തകർച്ചയുടെയും അഴിമതിയുടെയും പ്രതീകമായാണ് ധർമേന്ദ്ര പ്രധാനെ എല്ലായ്പ്പോഴും ഓർമിക്കുകയെന്നായിരുന്നു അദ്ദേഹത്തിന്റെ പരാമർശം. ഈ അധഃപതിച്ച സംവിധാനമാണ് 26 കുട്ടികളുെട ജീവനെടുത്തത്. ഇതേ സംവിധാനമാണ് ലക്ഷക്കണക്കിന് യുവാക്കളെ തെരുവിലിറക്കിയത്. പക്ഷേ, ഇന്ന് അതേ വ്യക്തിയെ ബിജെപി മാലയിട്ട് സ്വീകരിക്കുന്നു. ഇത് ആദരമല്ല. ലക്ഷക്കണക്കിന് കുട്ടികളുടെ ഭാവി തകർത്തതിന്റെ ആഘോഷമാണെന്നും രാജ്യത്തെ ഓരോ വിദ്യാർഥിയും ഇതെല്ലാം കാണുന്നുണ്ടെന്നും രാഹുൽ ​ഗാന്ധി പറഞ്ഞിരുന്നു.

നീറ്റ് പരീക്ഷാ ക്രമക്കേടിന് പിന്നാലെ പൊട്ടിപ്പുറപ്പെട്ട സിജെപി പ്രതിഷേധത്തിനൊടുവിലാണ് ധർമേന്ദ്ര പ്രധാന് കേന്ദ്രമന്ത്രിസ്ഥാനം രാജിവെക്കേണ്ടിവന്നത്. തുടർന്ന് കഴിഞ്ഞദിവസം പാർലമെന്റിലെത്തിയ അദ്ദേഹത്തെ ബിജെപി എംപിമാർ പ്രത്യേക തൊപ്പിയും ഷാളും അണിയിച്ചാണ് സ്വീകരിച്ചത്. ധർമേന്ദ്ര പ്രധാൻ സിന്ദാബാദ് എന്ന മുദ്രാവാക്യവും മുഴക്കിയിരുന്നു.