വാട്സാപ്പിൽ സൗഹൃദമുണ്ടാക്കി, ചാറ്റുകൾ കാട്ടി ഭീഷണിപ്പെടുത്തി, പിന്തുടർന്ന് ശല്യം ചെയ്തു, യുവതിക്ക് മാനഹാനി വരുത്തിയ കേസിൽ പ്രതി പിടിയിൽ
Synopsis
വാട്സാപ്പിലൂടെ സൗഹൃദം സ്ഥാപിച്ച യുവതിയെ ചാറ്റുകൾ കാട്ടി ഭീഷണിപ്പെടുത്തി പിന്തുടർന്ന് ശല്യം ചെയ്ത കേസിൽ പ്രതി അറസ്റ്റിൽ. എറണാകുളത്ത് നിന്നും പിടിയിലായ പ്രതിയെ തൃശൂർ റൂറൽ സൈബർ പൊലീസ് കോടതിയിൽ ഹാജരാക്കും
തൃശൂര്: യുവതിയെ പിന്തുടര്ന്ന് ശല്യം ചെയ്ത് മാനഹാനി വരുത്തിയ കേസിലെ പിടികിട്ടാപ്പുള്ളിയെ എറണാകുളത്ത് നിന്നും അറസ്റ്റ് ചെയ്തു. എറണാകുളം സൗത്ത് വാഴക്കുളം സ്വദേശി മാടവന വീട്ടില് സിറാജ് (26) നെയാണ് തൃശൂര് റൂറല് ജില്ലാ പൊലീസ് മേധാവിയുടെ സൈബര് പൊലീസ് സംഘം അറസ്റ്റ് ചെയ്തത്. വാട്സാപ്പിലൂടെ സൗഹൃദം സ്ഥാപിച്ച യുവതിയുമായി നടത്തിയ ചാറ്റുകള് പ്രചരിപ്പിക്കുമെന്ന് പറഞ്ഞ് പ്രതി ഭീഷണിപ്പെടുത്തുകയും നിരന്തരം പിന്തുടര്ന്ന് ശല്യം ചെയ്ത് മാനഹാനി വരുത്തുകയും ചെയ്ത സംഭവത്തില് 2022ല് തൃശൂര് റൂറല് സൈബര് പൊലീസ് സ്റ്റേഷനില് രജിസ്റ്റര് ചെയ്ത കേസിലാണ് അറസ്റ്റ്.
പിടികിട്ടാപ്പുള്ളി വാറണ്ട് പുറപ്പെടുവിച്ചു
സംഭവത്തിന് ശേഷം ഒളിവില് പോയ പ്രതിയെ പിടികൂടുന്നതിനായി കോടതി പിടികിട്ടാപ്പുള്ളി വാറണ്ട് പുറപ്പെടുവിച്ചിരുന്നു. ഈ വാറണ്ട് പ്രകാരമാണ് പ്രതിയെ അറസ്റ്റ് ചെയ്തത്. പ്രതിയെ ഇരിങ്ങാലക്കുടയിലുള്ള തൃശൂര് റൂറല് സൈബര് പൊലീസ് സ്റ്റേഷനില് എത്തിച്ചു. നടപടിക്രമങ്ങള്ക്ക് ശേഷം പ്രതിയെ കോടതിയില് ഹാജരാക്കും.
പ്രതിയെ പിടികൂടിയെ പൊലീസ് സംഘം
തൃശൂര് റൂറല് ജില്ലാ പൊലീസ് മേധാവി ബി കൃഷ്ണകുമാറിന്റെ നേതൃത്വത്തില് സൈബര് പൊലീസ് സ്റ്റേഷന് ഇന്സ്പെക്ടര് പി എസ് സുജിത്ത്, സബ് ഇന്സ്പെക്ടര് സിവി, പൊലീസ് ഓഫീസര്മാരായ അനീഷ്, ഷിബു, വാസു എന്നിവരാണ് അന്വേഷണ സംഘത്തിലുണ്ടായിരുന്നത്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam