കൊടും ചൂടിൽ വയനാടൻ തണുപ്പ് തേടി പോകുന്നവരുടെ ശ്രദ്ധയ്ക്ക്, നാളെ താമരശേരി ചുരത്തിൽ വാഹനങ്ങൾക്ക് നിയന്ത്രണം

ആറാം വളവില്‍ നവീകരണ പ്രവര്‍ത്തനങ്ങള്‍ നടത്തുന്നതിനിടെ കൊക്കയിലേക്ക് മറിഞ്ഞ് അപകടത്തില്‍പ്പെട്ട ഹിറ്റാച്ചി ഉയര്‍ത്താനുള്ള പ്രവര്‍ത്തനങ്ങള്‍ നാളെ നടക്കുന്നുണ്ട്. ഇതിന്റെ ഭാഗമായാണ് ക്രമീകരണം.

കോഴിക്കോട്: താമരശേരി ചുരത്തില്‍ നാളെ വാഹനങ്ങള്‍ക്ക് നിയന്ത്രണം. ഭാരവാഹനങ്ങള്‍ക്കും മള്‍ട്ടി ആക്‌സില്‍ വാഹനങ്ങള്‍ക്കും പൂര്‍ണ നിയന്ത്രണവും മറ്റ് വാഹനങ്ങള്‍ക്ക് ഭാഗിക നിയന്ത്രണവും ഏര്‍പ്പെടുത്തുമെന്ന് പൊതുമരാമത്ത് വകുപ്പ് അസിസ്റ്റന്റ് എന്‍ജിനീയര്‍ അറിയിച്ചിട്ടുള്ളത്. ആറാം വളവില്‍ നവീകരണ പ്രവര്‍ത്തനങ്ങള്‍ നടത്തുന്നതിനിടെ കൊക്കയിലേക്ക് മറിഞ്ഞ് അപകടത്തില്‍പ്പെട്ട ഹിറ്റാച്ചി ഉയര്‍ത്താനുള്ള പ്രവര്‍ത്തനങ്ങള്‍ നാളെ നടക്കുന്നുണ്ട്. ഇതിന്റെ ഭാഗമായാണ് ക്രമീകരണം. കൂടാതെ ചുരം വ്യൂ പോയിന്റില്‍ പാറ ഇടിഞ്ഞ ഭാഗത്ത് നെറ്റ് ഇടുന്ന പ്രവൃത്തിയും ഒമ്പതാം വളവിലെ സംരക്ഷണ ഭിത്തിയുടെ പ്രവൃത്തികളും നാളെ നടക്കും. രണ്ടാം വളവിനടുത്ത് കള്‍വര്‍ട്ടിന്റെ പ്രവൃത്തി കൂടി ആരംഭിക്കുന്ന സാഹചര്യത്തില്‍ പകല്‍ സമയത്ത് ചുരത്തില്‍ ഭാരവാഹനങ്ങള്‍ക്ക് നിയന്ത്രണം ഏര്‍പ്പെടുത്തുമെന്നും ഉദ്യോഗസ്ഥര്‍ കൂട്ടിച്ചേര്‍ത്തു.

ഏഷ്യാനെറ്റ് ന്യൂസ് ലൈവ് വീഡിയോ കാണാം