ഡോർ അടഞ്ഞില്ല, ഓടിക്കൊണ്ടിരുന്ന കാറിൽ നിന്നും അമ്മയും കുട്ടിയും റോഡിൽ വീണു

കാറിൽ നിന്ന് അമ്മയും കുഞ്ഞും പുറത്തേക്ക് വീഴുന്നത് കണ്ട് പിന്നാലെ വന്ന മറ്റ് വാഹനങ്ങൾ നിർത്തിയതിനാൽ വലിയ ദുരന്തം ഒഴിവായി

മലപ്പുറം: വേങ്ങര അരീക്കുളത്ത് ഓടികൊണ്ടിരുന്ന കാറിൽ നിന്നും അമ്മയും കുട്ടിയും റോഡിലേക്ക് തെറിച്ച് വീണു. കൃത്യമായി അടയ്ക്കാതിരുന്ന കാറിന്റെ ഡോറിലൂടെയാണ് ഇരുവരും പുറത്തേക്ക് തെറിച്ച് വീണത്. ഇവർ കാറിൽ നിന്ന് വീഴുന്നത് ശ്രദ്ധയിൽപ്പെട്ട പിന്നാലെ വന്ന മറ്റ് വാഹനങ്ങൾ പെട്ടന്ന് നിർത്തിയതിനാൽ വലിയ ദുരന്തം ഒഴിവായി. റോഡിലേക്കുള്ള വീഴ്ച്ചയിലും അമ്മയ്ക്കും കുട്ടിക്കും കാര്യമായി പരിക്കേറ്റിട്ടില്ല. ആദ്യം കുട്ടിയും പിന്നീട് അമ്മയുമാണ് റോഡിലേക്ക് തെറിച്ച് വീണത്. വെള്ളിയാഴ്ച്ച നടന്ന അപകടത്തിന്റെ ഞെട്ടിക്കുന്ന ദൃശ്യങ്ങളും പുറത്ത് വന്നു.