തിക്കിലും തിരക്കിലും പെട്ട് 11 പേര് കൊല്ലപ്പെട്ട സംഭവം; വിമർശനങ്ങൾക്കിടയിൽ കർണാടക മുഖ്യമന്ത്രിയെ വിളിപ്പിച്ച് ഹൈക്കമാന്റ്
Synopsis
ആര്സിബിയുടെ ആദ്യ ഐപിഎല് കിരീടവിജയത്തിനു ശേഷം കര്ണാടക ക്രിക്കറ്റ് അസോസിയേഷന് സംഘടിപ്പിച്ച അനുമോദന ചടങ്ങിനിടെയുണ്ടായ തിക്കിലും തിരക്കിലു തിക്കിലും തിരക്കിലുംപെട്ട് 11 പേര് മരിച്ചിരുന്നു.
ബെംഗളൂരു: ബെംഗളൂരു ചിന്നസ്വാമി സ്റ്റേഡിയത്തിന് സമീപത്ത് തിക്കിലും തിരക്കിലും പെട്ട് 11 പേര് കൊല്ലപ്പെട്ട സംഭവത്തെ തുടര്ന്ന് കര്ണാടക മുഖ്യമന്ത്രിയെ വിളിപ്പിച്ച് കോണ്ഗ്രസ് ഹൈക്കമാന്റ്. മുഖ്യമന്ത്രി സിദ്ധരാമയ്യയേയും ഉപമുഖ്യമന്ത്രി ഡി കെ ശിവകുമാറിനെയുമാണ് ഹൈക്കമാന്റ് ദില്ലിയിലേക്ക് വിളിപ്പിച്ചിരിക്കുന്നത്. ഇരുവരും ഇന്ന് രാഹുല് ഗാന്ധിയെ കാണും എന്നാണ് റിപ്പോര്ട്ട്.
ആര്സിബിയുടെ ആദ്യ ഐപിഎല് കിരീടവിജയത്തിനു ശേഷം കര്ണാടക ക്രിക്കറ്റ് അസോസിയേഷന് സംഘടിപ്പിച്ച അനുമോദന ചടങ്ങിനിടെയുണ്ടായ തിക്കിലും തിരക്കിലു തിക്കിലും തിരക്കിലുംപെട്ട് 11 പേര് മരിക്കുകയും നാല്പ്പതിലധികം പേര്ക്ക് പരിക്കേല്ക്കുകയും ചെയ്തിരുന്നു. ഇത് സര്ക്കാരിനെതിരെ വ്യാപക വിമര്ശനത്തിനാണ് വഴിവെച്ചത്.
സംഭവത്തില് ആര്സിബിയുടെ ഇവന്റ് മാനേജര് ഡിഎന്എ എന്റര്ടൈന്മെന്റ്, കര്ണാടക ക്രിക്കറ്റ് അസോസിയേഷന് മാനേജ്മെന്റ് എന്നിവരെ പ്രതിചേര്ത്ത് കബ്ബണ് പ്രതി ചേര്ത്ത് കേസ് രജിസ്ട്രര് ചെയ്യുകയും ആര്സിബി മാര്ക്കറ്റിങ് മേധാവി നിഖില് സോസാലെ, ഡിഎന്എ എന്റര്ടൈന്മെന്റ് പ്രതിനിധി സുനില് മാത്യു തുടങ്ങിയ നാലുപേരെ അറസ്റ്റ് ചെയ്ത് ജുഡീഷ്യല് കസ്റ്റഡിയില് വിടുകയും ചെയ്തു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam