കൊൽക്കത്ത മെട്രോയിൽ അ​ഗ്നിബാധ: യാത്രക്കാരെ രക്ഷപ്പെടുത്തി; ആർക്കും പരിക്കില്ല

എല്ലാ യാത്രക്കാരും സുരക്ഷിതരാണെന്ന് അധികൃതർ അറിയിച്ചു. റബീദ്ര സദൻ-മൈതാൻ സ്റ്റേഷനുകൾക്കിടയിലെത്തിയപ്പോഴാണ് ആദ്യ കോച്ചിൽ നിന്ന് തീ ആളിപ്പടർന്നത്. 

കൊൽക്കത്ത: കൊൽക്കത്ത മെട്രോയിൽ തീപിടിച്ചതിനെ തുടർന്ന് യാത്രക്കാരെ ഒഴിപ്പിച്ചു. രക്ഷപ്പെടാൻ ഓടുന്നതിനിടെ ഒരാളുടെ കാലിന് പരിക്കേറ്റു. എല്ലാ യാത്രക്കാരും സുരക്ഷിതരാണെന്ന്  അധികൃതർ അറിയിച്ചു. റബീദ്ര സദൻ-മൈതാൻ സ്റ്റേഷനുകൾക്കിടയിലെത്തിയപ്പോഴാണ് ആദ്യ കോച്ചിൽ നിന്ന് തീ ആളിപ്പടർന്നത്. 

പതിനാറോളം യാത്രക്കാർ ദേഹാസ്വാസ്ഥ്യം പ്രകടിപ്പിച്ചിരുന്നു. ഭൂരിഭാ​ഗവും മുതിർന്ന പൗരൻമാരാണ് യാത്രക്കാരായി ഉണ്ടായിരുന്നത്. ഇവരെല്ലാം പരിഭ്രാന്തരായിരുന്നു. പശ്ചിമ ബം​ഗാൾ അ​ഗ്നിശമന സേനയും കൊൽക്കത്ത പൊലിസ് ദുരന്ത നിവാരണ സേനയും സംഭവസ്ഥലത്തുണ്ടായിരുന്നു. എന്നാൽ അപകടത്തിൽ നിന്ന് രക്ഷപ്പെടാനുള്ള നിർദ്ദേശങ്ങളൊന്നും തങ്ങൾക്ക് നൽകിയിരുന്നില്ല എന്ന് യാത്രക്കാർ വിമർശനമുന്നയിച്ചു.