ക്ഷേത്രത്തിൽ ഭക്ഷ്യവിഷബാധയേറ്റ് പതിനൊന്ന് മരണം; രണ്ട് പേർ കസ്റ്റഡിയിൽ
Published : Dec 14, 2018, 08:50 PM IST
Synopsis
കർണാടകത്തിൽ ചാമരാജനഗറിൽ ക്ഷേത്രത്തിലെ പ്രസാദത്തിൽ നിന്ന് ഭക്ഷ്യവിഷബാധയേറ്റ് 11 പേർ മരിച്ച സംഭവത്തിൽ രണ്ട് പേർ കസ്റ്റഡിയിൽ. മാരമ്മ ക്ഷേത്രത്തിലെ പ്രസാദം കഴിച്ചവർക്കാണ് ഭക്ഷ്യവിഷബാധയേറ്റത്.
കർണാടക: കർണാടകത്തിൽ ചാമരാജനഗറിൽ ക്ഷേത്രത്തിലെ പ്രസാദത്തിൽ നിന്ന് ഭക്ഷ്യവിഷബാധയേറ്റ് 11 പേർ മരിച്ച സംഭവത്തിൽ രണ്ട് പേർ കസ്റ്റഡിയിൽ. മാരമ്മ ക്ഷേത്രത്തിലെ പ്രസാദം കഴിച്ചവർക്കാണ് ഭക്ഷ്യവിഷബാധയേറ്റത്. അറുപതോളം പേർ ഗുരുതരാവസ്ഥയിൽ ആശുപത്രിയിലാണ്. പലരുടെയും നില ഗുരുതരമാണ്. പ്രസാദ അവശിഷ്ടം കഴിച്ച നൂറോളം കാക്കകളും ചത്തുവീണതായി റിപ്പോര്ട്ടുണ്ട്.
രാവിലെ പത്തരയോടെ ക്ഷേത്രത്തില് വിതരണം ചെയ്ത് പ്രസാദം കഴിച്ചവരില് പലരും അവശനിലയിലായി. ഇന്ന് അമ്പലത്തില് വിശേഷാല് പൂജയുണ്ടായിരുന്നു. ഇതിനെ തുടര്ന്ന് വിതരണം ചെയ്ത പ്രസാദം കഴിച്ചവര്ക്കാണ് ഭക്ഷവിഷബാധയേറ്റത്. പൂജാ വേളകളില് ക്ഷേത്രത്തില് പുറത്ത് നിന്ന് കൊണ്ടുവരുന്ന ഭക്ഷണവും വിതരണം ചെയ്യാറുണ്ട്. ഇത്തരത്തില് എത്തിച്ച ഭക്ഷണത്തില് വിഷം കലര്ന്നിരുന്നോയെന്ന് സംശയമുള്ളതായി പൊലീസ് പറഞ്ഞു.