ഹിന്ദുക്കൾ ഒന്നിച്ച് നിൽക്കണമെന്ന് മോഹൻ ഭാ​ഗവത്

ഒറ്റക്കെട്ടായിരിക്കുക എന്നതാണ് ഹിന്ദു എന്ന നിലയിൽ ഏറ്റവും പ്രധാനമായി നമ്മൾ ചെയ്യേണ്ട കാര്യം. അങ്ങനെയായാൽ മാത്രമേ സമ്പന്നമായ ഒരു ലോകം സൃഷ്ടിക്കാൻ സാധിക്കുകയുള്ളൂവെന്ന് ‌മോഹൻ ഭാ​ഗവത് പറഞ്ഞു. ചിക്കാ​ഗോയിൽ നടന്ന രണ്ടാം ലോക ഹിന്ദു കോൺ​ഗ്രസിലാണ് അദ്ദേഹത്തിന്റെ പരാമർശം.

ചിക്കാഗോ: ഹിന്ദുക്കൾ എപ്പോഴും ഒന്നിച്ചു നിൽക്കണമെന്ന് ആർഎസ്എസ് മേധാവി മോഹൻ ഭാ​ഗവത് പറഞ്ഞു. ചിക്കാ​ഗോയിൽ നടന്ന രണ്ടാം ലോക ഹിന്ദു കോൺ​ഗ്രസിലാണ് അദ്ദേഹത്തിന്റെ പരാമർശം.ലോക ഹിന്ദു കോൺഗ്രസിൽ  2,500 പ്രതിനിധികൾ പങ്കെടുത്തു. മഹാഭാരതത്തെ ഉദ്ധരിച്ചായിരുന്നു അദ്ദേഹത്തിന്റെ പ്രസം​ഗം. ഒറ്റക്കെട്ടായിരിക്കുക എന്നതാണ് ഹിന്ദു എന്ന നിലയിൽ ഏറ്റവും പ്രധാനമായി നമ്മൾ ചെയ്യേണ്ട കാര്യം. അങ്ങനെയായാൽ മാത്രമേ സമ്പന്നമായ ഒരു ലോകം സൃഷ്ടിക്കാൻ സാധിക്കുകയുള്ളൂവെന്ന് ‌മോഹൻ ഭാ​ഗവത് പറഞ്ഞു.

 ഒരു മനുഷ്യന്റെ നേതൃഗുണം മുതൽ ക്ഷമയും സമാധാനവും അനുസരണാശീലവുമടക്കം എല്ലാ കാര്യങ്ങളും മഹാഭാരതത്തിൽ നിന്ന് നമുക്ക് ഉൾക്കൊള്ളാൻ സാധിക്കും. നമ്മുടെ മൂല്യങ്ങൾ ഇന്ന് ലോകത്തിന്റെ മൂല്യമാണ്. അത് ഇന്ന് ഹിന്ദു മൂല്യങ്ങൾ എന്നറിയപ്പെടുകയും ചെയ്യുന്നു. നമുക്ക് ഒത്തിരി ഗുണങ്ങളും നേട്ടങ്ങളുമുണ്ട്. എന്നാൽ ഒരിക്കലും നാം ഒന്നിച്ചു നിൽക്കുന്നില്ല. നാം ഒന്നിച്ച് നിന്ന് സ്വപ്നം കാണാതെ ഒന്നും നേടാൻ നമുക്ക് സാധിക്കില്ല.

ആയിരം വർഷത്തോളമായി കഷ്ടതകൾ അനുഭവിക്കുന്നുണ്ട്. 1893ൽ ചിക്കാഗോ പാർലമെന്റിൽ സ്വാമി വിവേകാനന്ദൻ പ്രസംഗിച്ചതിന്റെ 125ാം വാർഷിക ദിനത്തിലാണ് ലോക ഹിന്ദു കോൺ​ഗ്രസ് നടന്നത്. ആദർശാത്മക ബോധം നല്ലതാണെന്നും സ്വയം ആധുനികതയെന്ന് വിശേഷിപ്പിക്കുന്നില്ലെന്നും ഭാ​ഗവത് കൂട്ടിച്ചേർ‌ത്തു.