'അവർ ഇവിടെ ആചാരാനുഷ്ഠാനങ്ങൾ നടത്തും ആർക്കും അത് തടയാൻ സാധിക്കില്ല. തടഞ്ഞാൽ അവരുടെ കൈയ്യും കാലും ഞാൻ വെട്ടിയെടുക്കും. നിനക്ക് പറഞ്ഞത് മനസ്സിലായോ'-എന്നാണ് എം എൽ എയുടെ ഭീക്ഷണിയെന്ന് ടൈംസ് നൗ റിപ്പോർട്ട് ചെയ്യുന്നു.
ബംഗളൂരു: ഫോറസ്റ്റ് ഓഫീസറെ ഭീഷണിപ്പെടുത്തി കോൺഗ്രസ് എം എൽ എ. കർണ്ണാടകയിലെ ശിവമോഗ്ഗയിലെ എം എൽ എ ആയ ബി കെ സങ്കമേശ്വരയാണ് ഓഫീസർക്കെതിരെ ഭീഷണിയുമായി രംഗത്തെത്തിയത്. വനപ്രദേശത്ത് ക്ഷേത്രം പണിയുന്നത് ഉദ്യോഗസ്ഥൻ എതിർത്തതാണ് എം എൽ എയെ ചൊടിപ്പിച്ചത്. സങ്കമേശ്വര ഉദ്യോഗസ്ഥനെ ഭീഷണിപ്പെടുത്തുന്നതിന്റെ വീഡിയോ പുറത്തുവന്നിട്ടുണ്ട്.
''അവർ ഇവിടെ ആചാരാനുഷ്ഠാനങ്ങൾ നടത്തും ആർക്കും അത് തടയാൻ സാധിക്കില്ല. തടഞ്ഞാൽ അവരുടെ കൈയും കാലും ഞാൻ വെട്ടിയെടുക്കും. നിനക്ക് പറഞ്ഞത് മനസ്സിലായോ ''-എന്നാണ് എം എൽ എയുടെ ഭീഷണിയെന്ന് ടൈംസ് നൗ റിപ്പോർട്ട് ചെയ്യുന്നു. പ്രദേശത്ത് ക്ഷേത്രം പണിയുന്നതിനായി കഴിഞ്ഞ വർഷം ഡിസംബർ 31ന് നാട്ടുകാർ തറക്കല്ലിട്ടു. എന്നാൽ ഇത് വനപ്രദേശമാണെന്നും ക്ഷേത്രം നിർമ്മിക്കാൻ അനുവദിക്കില്ലെന്നും ഫോറസ്റ്റ് ഉദ്യോഗസ്ഥൻ നിലപാടെടുക്കുകയായിരുന്നു.
ഇതോടെ ക്ഷേത്ര നിർമ്മാണം അനിശ്ചിതത്വത്തിലാകുകയും ചെയ്തു. ഇതിന്റെ പശ്ചാത്തലത്തിലാണ് കോൺഗ്രസ് എം എൽ എ രംഗത്തെത്തിയത്. പാർട്ടി പ്രവർത്തകർ തന്നെ ചിത്രീകരിച്ച വീഡിയോയാണ് ഇപ്പോൾ പുറത്തുവന്നിരിക്കുന്നത്.