കെപിസിസി പുതിയ നേതൃത്വം ഇന്ന് രാഹുൽ ഗാന്ധിയെ കാണും

രാവിലെ 9.30 ഓടെ രാഹുൽ ഗാന്ധിയുടെ ഔദ്യോഗിക വസതിയിലാണ് കൂടിക്കാഴ്ച

ദില്ലി: കെപിസിസിയുടെ പുതിയ നേതൃത്വം ഇന്ന് കോണ്‍ഗ്രസ് അധ്യക്ഷൻ രാഹുൽ ഗാന്ധിയെ കാണും. രാവിലെ 9.30 ഓടെ രാഹുൽ ഗാന്ധിയുടെ ഔദ്യോഗിക വസതിയിലാണ് കൂടിക്കാഴ്ച. കെപിസിസി പ്രസിഡന്‍റ് മുല്ലപ്പള്ളി രാമചന്ദ്രന്‍, വര്‍ക്കിങ് പ്രസിഡൻറുമാരായ കെ.സുധാകരന്‍, കൊടിക്കുന്നിൽ സുരേഷ് , എം.ഐ ഷാനവാസ്, പ്രചാരണ സമിതി അധ്യക്ഷൻ കെ.മുരളീധരന്‍, യു.ഡി.എഫ് കണ്‍വീനര്‍ ബെന്നി ബെഹ്നാൻ എന്നിവരാണ് രാഹുലിനെ കാണുന്നത്. ചുമതലാ വിഭജനം , പുതിയ കെപിസിസി ഭാരവാഹി പട്ടിക , തുടങ്ങിയ വിഷയങ്ങളിൽ ചര്‍ച്ചയുണ്ടാകും.