ആകെ 71 വീരമൃത്യു വരിച്ച ജവാന്മാരുടെ പേരും ഇന്ത്യയുടെ പതാകയുമാണ് ശരീരത്തിന്‍റെ പിന്‍ഭാഗത്തായി ഗോപാല്‍ ടാറ്റൂ ചെയ്തിരിക്കുന്നത്. ബിക്കാനിറിലെ ഭഗത് സിംഗ് ബ്രിഗേഡുമായി ചേര്‍ന്ന് പ്രവര്‍ത്തിക്കുന്ന യുവാവാണ് ഗോപാല്‍
ജയ്പൂര്‍: പുല്‍വാമയിലുണ്ടായ ഭീകരാക്രമണത്തിന്‍റെ നടുക്കത്തില്‍ നിന്ന് രാജ്യം ഇതുവരെ വിമുക്തമായിട്ടില്ല. വീരമൃത്യു വരിച്ച 40 സിആര്‍പിഎഫ് ജവാന്മാരുടെ ഓര്‍മകളിലൂടെയാണ് രാജ്യം മുന്നോട്ട് പോകുന്നത്. എന്നാല്‍, അവരുടെ പേരുകള്‍ ഒരിക്കലും തന്നില്‍ നിന്ന് വേര്‍പെടാതിരിക്കാന്‍ രാജസ്ഥാനിലെ ഒരു യുവാവ് ചെയ്തത് അറിഞ്ഞാല്‍ ആരുമൊന്ന് സല്യൂട്ട് ചെയ്തു പോകും.
രാജസ്ഥാനിലെ ബിക്കാനിര്‍ സ്വദേശിയായ ഗോപാല്‍ സഹരണ്‍ എന്ന യുവാവ് രക്ഷസാക്ഷികളായ ജവാന്മാരുടെ പേരുകള്‍ സ്വന്തം ശരീരത്ത് ടാറ്റൂ ചെയ്തിരിക്കുകയാണ്. ആകെ വീരമൃത്യു വരിച്ച 71 ജവാന്മാരുടെ പേരും ഇന്ത്യയുടെ പതാകയുമാണ് ശരീരത്തിന്‍റെ പിന്‍ഭാഗത്തായി ഗോപാല്‍ ടാറ്റൂ ചെയ്തിരിക്കുന്നത്.
ബിക്കാനിറിലെ ഭഗത് സിംഗ് ബ്രിഗേഡുമായി ചേര്‍ന്ന് പ്രവര്‍ത്തിക്കുന്ന യുവാവാണ് ഗോപാല്‍. രാജ്യത്തിനായി ജീവന്‍ നല്‍കിയവരുടെ പേര് തന്നില്‍ നിന്ന് ഒരിക്കലും വേര്‍പെടാതിരിക്കാനാണ് ഇങ്ങനെ ടാറ്റൂ ചെയ്തതെന്ന് ഗോപാല്‍ പറഞ്ഞു.
പുല്‍വാമയില്‍ വീരമൃത്യു വരിച്ച 40 ജവാന്മാര്‍ക്ക് പുറമെ അടുത്ത കാലത്ത് രാജ്യത്തിനായി രക്തസാക്ഷികളായ 31 പേരുടെ പേര് കൂടെ ഗോപാല്‍ ശരീരത്തില്‍ ടാറ്റൂ ചെയ്തിട്ടുണ്ടെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.