വടക്കു പടിഞ്ഞാറ് മുംബൈയിൽ വനത്തിനുള്ളിൽ അ​ഗ്നിബാധ

ഫിലിം സിറ്റിക്കടുത്തുള്ള ഹബാൽപഡ കുന്നിൻ മുകളിലാണ് ആദ്യം തീപിടുത്തം കണ്ടത്. പിന്നീടത് വളരെ പെട്ടെന്ന് വ്യാപിക്കുകയായിരുന്നു. നാല് കിലോമീറ്റർ പ്രദേശത്ത് തീ വളരെ വേ​ഗം പടർന്നു പിടിച്ചു. 

മുംബൈ: മുംബൈയുടെ തെക്കു പടിഞ്ഞാറൻ ഭാ​ഗത്ത് വനത്തിനുള്ളിൽ വൻ അ​ഗ്നിബാധ. തിങ്കളാഴ്ച വൈകിട്ട് സഞ്ജയ്​ഗാന്ധി ദേശീയ പാർക്കിന് സമീപത്തുള്ള വനത്തിലാണ് തീപിടുത്തമുണ്ടായത്. ഫിലിം സിറ്റിക്കടുത്തുള്ള ഹബാൽപഡ കുന്നിൻ മുകളിലാണ് ആദ്യം തീപിടുത്തം കണ്ടത്. പിന്നീടത് വളരെ പെട്ടെന്ന് വ്യാപിക്കുകയായിരുന്നു. നാല് കിലോമീറ്റർ പ്രദേശത്ത് തീ വളരെ വേ​ഗം പടർന്നു പിടിച്ചു. 

അ​ഗ്നിബാധയുടെ പ്രത്യാഘാതങ്ങൾ എന്തൊക്കെയാണെന്ന് ഇതുവരെ പുറത്തു വന്നിട്ടില്ല. എങ്ങനെയാണ് തീപിടുത്തമുണ്ടായതെന്നും അറിയാൻ സാധിച്ചിട്ടില്ല. വനംവകുപ്പ് അം​ഗങ്ങൾ, മുംബൈ ഫയർ ബ്രി​ഗേഡ്, മറ്റ് ഏജൻസികൾ എന്നിവർ തീപിടുത്തമുണ്ടായതിനെക്കുറിച്ച് ആശങ്ക രേഖപ്പെടുത്തി. ഈ പ്രദേശത്തെ പരിസ്ഥിതിയെ വളരെ പ്രതികൂലമായ രീതിയിസ് അ​ഗ്നിബാധ ബാധിക്കുമെന്ന് ഇവർ‌ പറയുന്നു.