1925 ഫെബ്രുവരി 19 ന് മഹാരാഷ്ട്രയിലെ ധുലെ ജില്ലയിലെ ഗൊണ്ടൂർ ഗ്രാമത്തിൽ ജനിച്ച രാം സുതാർ ചെറുപ്പം മുതലേ കലയോടും ശിൽപത്തോടും അഭിനിവേശം പ്രകടിപ്പിച്ചു.
മുംബൈ: ലോകത്തിലെ ഏറ്റവും ഉയരം കൂടിയ പ്രതിമയായ ഗുജറാത്തിലെ സ്റ്റാച്യു ഓഫ് യൂണിറ്റി സൃഷ്ടാവും പ്രശസ്ത ഇന്ത്യൻ ശില്പിയുമായ രാം സുതാർ (100) അന്തരിച്ചു. നോയിഡയിലെ വസതിയിലായിരുന്നു അന്ത്യം. വാർദ്ധക്യസഹജമായ അസുഖങ്ങളാൽ കിടപ്പിലായിരുന്നു. ഡിസംബർ 17 ന് അർദ്ധരാത്രി ഞങ്ങളുടെ വസതിയിൽ എന്റെ പിതാവ് ശ്രീ റാം വഞ്ചി സുതാറിന്റെ നിര്യാണം അഗാധമായ ദുഃഖത്തോടെ നിങ്ങളെ അറിയിക്കുന്നുവെന്ന് മകൻ അനിൽ സുതാർ പ്രസ്താവനയിൽ പറഞ്ഞു.
1925 ഫെബ്രുവരി 19 ന് മഹാരാഷ്ട്രയിലെ ധുലെ ജില്ലയിലെ ഗൊണ്ടൂർ ഗ്രാമത്തിൽ ജനിച്ച രാം സുതാർ ചെറുപ്പം മുതലേ കലയോടും ശിൽപത്തോടും അഭിനിവേശം പ്രകടിപ്പിച്ചു. മുംബൈയിലെ പ്രശസ്തമായ ജെജെ സ്കൂൾ ഓഫ് ആർട്ട് ആൻഡ് ആർക്കിടെക്ചറിൽ പഠിച്ച് സ്വർണ്ണ മെഡൽ ജേതാവായി ബിരുദം നേടി. തുടർന്ന് ഏഴ് പതിറ്റാണ്ടിലേറെ നീണ്ടുനിന്ന ശ്രദ്ധേയമായ ഒരു കലാജീവിതം. ഇന്ത്യയിലെ ഏറ്റവും സ്വാധീനമുള്ള ശിൽപികളിൽ ഒരാളായി അദ്ദേഹം മാറി.
