ഹെ​ഡ്മാ​സ്റ്റ​ർ പീ​ഡി​പ്പി​ച്ചു; പ​ത്താം ക്ലാ​സു​കാ​രി സ്കൂ​ളി​നു​ള്ളി​ൽ ജീ​വ​നൊ​ടു​ക്കി

രക്തത്തില്‍ കുളിച്ച് കിടക്കുന്ന നിലയിലായിരുന്നു കുട്ടിയുടെ ശരീരം കണ്ടെത്തിയത്. പൊലിസ് നടത്തിയ പരിശോധനയില്‍ നോട്ട് പുസ്തകത്തില്‍ നിന്നും ഹെഡ്മാസ്റ്റര്‍ ലൈംഗിക ചൂഷണം ചെയ്തതടക്കമുള്ള വിവരങ്ങള്‍ ലഭിച്ചു. മ​റ്റൊ​രു കു​ട്ടി​കൂ​ടി പീ​ഡ​ന​വി​വ​രം വെ​ളി​പ്പെ​ടു​ത്തിയിട്ടുണ്ട്.

ഭു​വ​നേ​ശ്വ​ർ: ഒഡീഷില്‍ ഹെഡ്മാസ്റ്ററുടെ ലൈംഗിക പീഡനത്തിനരയായി പെണ്‍കുട്ടി സ്കൂളിനുള്ളില്‍ ജീവനൊടുക്കി. സ്കൂളിനുള്ളിലെ പൂളിനടുത്ത് വച്ചാണ് കുട്ടിയുടെ മൃതദേഹം കണ്ടെത്തിയത്. കൈയ്യിലെ ഞരഞ്ച് മുറിച്ചാണ് കുട്ടി ജീവനൊടുക്കിയത്. ശി​ഖ​പ​ള്ളി​യി​ലെ സ​ർ​ക്കാ​ർ സ്കൂ​ളി​ൽ വ്യാ​ഴാ​ഴ്ച  രാ​ത്രി​യാ​ണ് പെ​ൺ​കു​ട്ടി ജീ​വ​നൊ​ടു​ക്കി​യ​ത്. സം​ഭ​വ​ത്തി​ൽ ഹെ​ഡ്മാ​സ്റ്റ​റെ പോ​ലീ​സ് അ​റ​സ്റ്റ് ചെ​യ്തു.

ചോരവാര്‍ന്നകിടക്കുന്ന കുട്ടിയെ കണ്ടെത്തിയ ഉടനെ ആശുപത്രിയിലെത്തിച്ചുവെങ്കിലും മരണപ്പെട്ടതായി ഡോക്ടര്‍ അറിയിച്ചു. രക്തത്തില്‍ കുളിച്ച് കിടക്കുന്ന നിലയിലായിരുന്നു കുട്ടിയുടെ ശരീരം കണ്ടെത്തിയത്. പൊലിസ് നടത്തിയ പരിശോധനയില്‍ നോട്ട് പുസ്തകത്തില്‍ നിന്നും ഹെഡ്മാസ്റ്റര്‍ ലൈംഗിക ചൂഷണം ചെയ്തതടക്കമുള്ള വിവരങ്ങള്‍ ലഭിച്ചു.

കേ​സു​മാ​യി  ബ​ന്ധ​പ്പെ​ട്ട് കൂ​ടു​ത​ൽ കു​ട്ടി​ക​ളോ​ട് പോ​ലീ​സ് വി​വ​രം തി​ര​ക്കി​യ​പ്പോ​ൾ മ​റ്റൊ​രു കു​ട്ടി​കൂ​ടി പീ​ഡ​ന​വി​വ​രം വെ​ളി​പ്പെ​ടു​ത്തി.   പീ​ഡി​പ്പി​ച്ച ശേ​ഷം  ഹെ​ഡ്മാ​സ്റ്റ​ർ കൊ​ല​പ്പെ​ടു​ത്തി​യ​താ​ണെ​ന്ന് പെ​ൺ​കു​ട്ടി​യു​ടെ ബ​ന്ധു​ക്ക​ൾ ആ​രോ​പി​ച്ചു. ‌പോ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു. ഹെഡ്മാസ്റ്റര്‍ക്കെതിരെ പോസ്കോ പ്രകാരം കേസെടുത്തിട്ടുണ്ട്.