പ്രിയപ്പെട്ട സുഹൃത്തിന് വേഗം സുഖമാകട്ടെ: മനോഹര് പരീക്കറിന് ആശംസ നേര്ന്ന് പ്രധാനമന്ത്രി നരേന്ദ്ര മോദി
Synopsis
എന്റെ പ്രിയപ്പെട്ട സുഹൃത്തിന് എത്രയും വേഗം സുഖമാകട്ടെ. ആധുനിക ഗോവയുടെ ശില്പ്പിയാണ് മനോഹര് പരീക്കര്. അസുഖബാധിതനായ ശേഷവും അദ്ദേഹം നടത്തിയ പ്രവര്ത്തനങ്ങള്ക്ക് അഭിവാദ്യങ്ങള് നേരുന്നു എന്നും പ്രധാനമന്ത്രി പറഞ്ഞു.
പനാജി: ഗോവ മുഖ്യമന്ത്രി മനോഹര് പരീക്കറിന് എത്രയും വേഗം രോഗവിമുക്തിയുണ്ടാവട്ടെയെന്ന് പ്രധാനമന്ത്രി നരേന്ദ്ര മോദി.പാര്ട്ടി പ്രവര്ത്തകരുമായി ഗോവയില് നടത്തിയ വീഡിയോ കോണ്ഫറന്സിലെ ചോദ്യത്തോട് പ്രതികരിക്കവേയാണ് മനോഹര് പരീക്കറിന് മോദി ആശംസ നേര്ന്നത്. 2018 ഫെബ്രുവരി മുതല് പലയിടങ്ങളിലായി മനോഹര് പരീക്കര് ചികിത്സ തേടിയിരുന്നു.
എന്റെ പ്രിയപ്പെട്ട സുഹൃത്തിന് എത്രയും വേഗം സുഖമാകട്ടെ. ആധുനിക ഗോവയുടെ ശില്പ്പിയാണ് മനോഹര് പരീക്കര്. അസുഖബാധിതനായ ശേഷവും അദ്ദേഹം നടത്തിയ പ്രവര്ത്തനങ്ങള്ക്ക് അഭിവാദ്യങ്ങള് നേരുന്നു എന്നും പ്രധാനമന്ത്രി പറഞ്ഞു. പ്രവര്ത്തകരുമായുള്ള കൂടിക്കാഴ്ചക്കിടെ ഗോവയിലെ ഖനനത്തെക്കുറിച്ചും പ്രധാനമന്ത്രി സംസാരിച്ചു. സംസ്ഥാനത്തെ ഖനനങ്ങള് പുനരാരംഭിക്കാന് ആവശ്യമായ കാര്യങ്ങള് സംസ്ഥാന സര്ക്കാരും കേന്ദ്ര സര്ക്കാരും ചെയ്യുന്നുണ്ടെന്നും മോദി പറഞ്ഞു. 2018 ലാണ് ഗോവയില് സുപ്രീംകോടതി ഖനനം നിരോധിക്കുന്നത്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam