മഞ്ഞുവീഴ്ചയെത്തുടർന്ന് ടണലിൽ കുടുങ്ങിയ പൊലീസുകാരിൽ രണ്ട് പേരെ രക്ഷപ്പെടുത്തി

ആറ് പൊലീസുകാരും രണ്ട് അ​ഗ്നിശമന സേനാ വിഭാ​ഗക്കാരും രണ്ട് സാധാരണ ആൾക്കാരുമുൾപ്പെടെ പത്ത് പേരെയാണ് മഞ്ഞിടിഞ്ഞ് വീണതിനെ തുടർന്ന് കാണാതായത്. 

ശ്രീന​ഗർ: ജമ്മു- കാശ്മീരിൽ ഹിമപാതത്തെ തുടർന്ന്  ടണലിൽ കുടുങ്ങിയ ആറ് പൊലീസുകാരിൽ രണ്ട് പേരെ രക്ഷപ്പെടുത്തി. ഇവരിൽ ഒരാളുടെ അവസ്ഥ ​ഗുരുതരമാണ്. ആറ് പൊലീസുകാരും രണ്ട് അ​ഗ്നിശമന സേനാ വിഭാ​ഗക്കാരും രണ്ട് സാധാരണ ആൾക്കാരുമുൾപ്പെടെ പത്ത് പേരെയാണ്  മഞ്ഞിടിഞ്ഞ് വീണതിനെ തുടർന്ന് കാണാതായത്. പത്തുപേർ ടണലിനുള്ളിൽ കുടുങ്ങിപ്പോകുകയായികരുന്നു വ്യാഴാഴ്ച വൈകിട്ട് ശ്രീന​ഗർ ജമ്മു ദേശീയ പാതയിൽ ജവഹർ ടണലിനടുത്തുള്ള  പൊലീസ് പോസ്റ്റിലാണ് ഹിമപാതമുണ്ടായത്. ഇരുപത് പേരാണ് പോസ്റ്റിലുണ്ടായിരുന്നത്. പത്ത് പേർ അപ്പോൾത്തന്നെ രക്ഷപ്പെട്ടിരുന്നു.