സൗദി അറേബ്യയിൽ 210 പേർക്ക് കൊവിഡ് മുക്തി; ഒരു മരണം

രോഗബാധിതരിൽ 5,941 പേരാണ് ചികിത്സയിൽ കഴിയുന്നത്. ഇതിൽ 60 പേരുടെ നില ഗുരുതരം. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. 

റിയാദ്: സൗദി അറേബ്യയിൽ നിലവിലെ കൊവിഡ് ബാധിതരിൽ 210 പേർ കൂടി സുഖം പ്രാപിച്ചു. കഴിഞ്ഞ 24 മണിക്കൂറിനിടയിൽ 559 പേർക്ക് പുതുതായി രോഗബാധ സ്ഥിരീകരിച്ചു. ഒരു മരണമാണ് രാജ്യത്ത് വിവിധ ഭാഗങ്ങളിലായി റിപ്പോർട്ട് ചെയ്തത്. രാജ്യത്ത് ഇതുവരെ റിപ്പോർട്ട് ചെയ്ത ആകെ കേസുകളുടെ എണ്ണം 758,361 ആയി. ആകെ രോഗമുക്തരുടെ എണ്ണം 743,309 ആയി ഉയർന്നു. ആകെ മരണസംഖ്യ 9,111 ആയി തുടരുന്നു. 

രോഗബാധിതരിൽ 5,941 പേരാണ് ചികിത്സയിൽ കഴിയുന്നത്. ഇതിൽ 60 പേരുടെ നില ഗുരുതരം. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്. 24 മണിക്കൂറിനിടെ 27,224 ആർ.ടി-പി.സി.ആർ പരിശോധനകൾ നടത്തി. ജിദ്ദ - 137, റിയാദ് - 116, മക്ക - 87, മദീന - 41, തായിഫ് - 28, ദമ്മാം - 21, അബഹ - 17, ജീസാൻ - 10, അൽബാഹ - 7, ഹുഫൂഫ് - 7, ഖോബാർ - 4, സബ്യ - 4, തബൂക്ക് - 3, ബുറൈദ - 3, യാംബു - 3, ജുബൈൽ - 3, അൽഖർജ് - 3, ഹായിൽ - 2, ഖമീസ് മുശൈത്ത് - 2, നജ്റാൻ - 2, അബൂ അരീഷ് - 2, ബെയ്ഷ് - 2, ദവാദ്മി - 2, റാബിഖ് - 2, ഉനൈസ - 2, ഖത്വീഫ് - 2, ദഹ്റാൻ - 2, മഹായിൽ - 2, ഖുർമ - 2, ബീഷ - 2, ബൽജുറൈഷി - 2, തുർബ - 2, അൽഉല - 2, ഫീഫ - 2, മീസാൻ - 2, മറ്റ് വിവിധയിടങ്ങളിൽ ഒന്ന് വീതം എന്നിങ്ങനെയാണ് രാജ്യത്തെ വിവിധ ഭാഗങ്ങളിൽ പുതിയ കോവിഡ് കേസുകൾ റിപ്പോർട്ട് ചെയ്തത്. രാജ്യത്ത് ഇതുവരെ 64,817,304 ഡോസ് വാക്സിൻ കുത്തിവെച്ചു. ഇതിൽ 26,487,184 ആദ്യ ഡോസും 24,836,347 രണ്ടാം ഡോസും 13,493,773 ബൂസ്റ്റർ ഡോസുമാണ്.