Saudi women train drivers : സൗദിയില് ട്രെയിനുകള് ഓടിക്കാന് വനിതകള്; 30 ഒഴിവുകളില് 28,000 അപേക്ഷകര്
Synopsis
യോഗ്യരായ 30 സ്ത്രീകളെയാണ് തെരഞ്ഞെടുക്കുക. മാര്ച്ച് പകുതിയോടെ തെരഞ്ഞെടുപ്പ് പൂര്ത്തിയാകും. ഒരു വര്ഷത്തെ ശമ്പളത്തോട് കൂടിയ പരിശീലനത്തിന് ശേഷമാണ് ഇവര് മക്കയ്ക്കും മദീനയ്ക്കും ഇടയില് ബുള്ളറ്റ് ട്രെയിനുകള് ഓടിച്ചു തുടങ്ങുക.
റിയാദ്: സൗദി അറേബ്യയില്(Saudi Arabia) ബുള്ളറ്റ് ട്രെയിന് bullet train) ഓടിക്കാന് വനിതകള്ക്ക് അവസരം. 30 ഒഴിവുകളിലേക്ക് അപേക്ഷ ക്ഷണിച്ചുകൊണ്ടുള്ള പരസ്യത്തിന് ലഭിച്ചത് 28,000 അപേക്ഷകള്. രാജ്യത്ത് സ്ത്രീകള്ക്ക് കൂടുതല് അവസരങ്ങള് തുറന്നുനല്കിയതിനാല് ഈ രംഗത്തെ മുന്നേറ്റം എടുത്തു കാണിക്കുന്നതാണെന്ന് അധികൃതര് പറയുന്നു.
അക്കാദമിക് പശ്ചാത്തലത്തിന്റെയും ഇംഗ്ലീഷ് ഭാഷാ വൈദഗ്ധ്യത്തിന്റെയും അടിസ്ഥാനത്തില് നടന്ന ഓണ്ലൈന് വിലയിരുത്തലില് ഇവരില് പകുതിയോളം ആളുകള് പുറത്തായതായി സ്പാനിഷ് റെയില്വേ ഓപ്പറേറ്റര് റെന്ഫെ പറഞ്ഞു. യോഗ്യരായ 30 സ്ത്രീകളെയാണ് തെരഞ്ഞെടുക്കുക. മാര്ച്ച് പകുതിയോടെ തെരഞ്ഞെടുപ്പ് പൂര്ത്തിയാകും. ഒരു വര്ഷത്തെ ശമ്പളത്തോട് കൂടിയ പരിശീലനത്തിന് ശേഷമാണ് ഇവര് മക്കയ്ക്കും മദീനയ്ക്കും ഇടയില് ബുള്ളറ്റ് ട്രെയിനുകള് ഓടിച്ചു തുടങ്ങുക. 80 പുരുഷന്മാരെയും ഡ്രൈവര്മാരായി നിയമിക്കും.
ഇതുവരെ സൗദിയില് വനിതകളെ അധ്യാപക രംഗത്തും ആരോഗ്യ മേഖലകളിലും പരിമിതപ്പെടുത്തിയിരുന്നു. 2018 മുതല് വാഹനമോടിക്കാന് അനുമതി നല്കിയത് മുതല് സ്ത്രീകള്ക്കായി സൗദി അറേബ്യ നിരവധി അവസരങ്ങളാണ് തുറന്നുനല്കുന്നത്. കഴിഞ്ഞ 5 വര്ഷത്തിനിടെ തൊഴില് ശക്തിയിലെ സ്ത്രീ പങ്കാളിത്തം 33 ശതമാനമായി വര്ധിച്ചിട്ടുണ്ട്.
റിയാദ്: സൗദി അറേബ്യയിലെ നാടുകടത്തല് കേന്ദ്രം (തർഹീൽ - Deportation Centre) വഴി നാട്ടിലേക്ക് മടങ്ങുന്നവർക്ക് യാത്രനിബന്ധനയിൽ ഇളവ് അനുവദിച്ചു. നിയമ ലംഘകരായി പിടിക്കപ്പെട്ട് തർഹീലുകളിൽ കഴിയുന്നവര്ക്ക് നാട്ടിലേക്ക് യാത്ര ചെയ്യുന്നതിന് എയര് സുവിധ രജിസ്ട്രേഷനും (Air Suvidha Registration) വാക്സിന് സര്ട്ടിഫിക്കറ്റും (Vaccination certificate) നിര്ബന്ധമില്ലെന്ന് ഇന്ത്യന് എംബസിയാണ് (Indian Embassy Riyadh) അറിയിച്ചത്.
ഇത്തരത്തില് യാത്ര ചെയ്യുന്നവര് കൊവിഡ് ആര്.ടി.പി.സി.ആര് പരിശോധനയുടെ നെഗറ്റീവ് റിസൾട്ട് മാത്രം കൈയ്യിൽ കരുതിയാൽ മതിയാകും. കേന്ദ്രസര്ക്കാര് പ്രഖ്യാപിച്ച പുതിയ യാത്രാനിബന്ധനകളുടെ അടിസ്ഥാനത്തിലാണ് ഇളവ് ലഭ്യമാക്കിയത്. ഇന്ത്യയില് പ്രാബല്യത്തിലായ കേന്ദ്ര കൊവിഡ് യാത്രാനയം അനുസരിച്ച് വിദേശത്ത് നിന്ന് നാട്ടിലേക്ക് പോകുന്നതിന് വാക്സിന് സര്ട്ടിഫിക്കറ്റ് ആവശ്യമാണ്.
യാത്രക്കാര് രണ്ട് ഡോസ് വാക്സിന് സ്വീകരിച്ച സര്ട്ടിഫിക്കറ്റ് എയര് സുവിധയില് അപ്ലോഡ് ചെയ്ത് രജിസ്ട്രേഷൻ പൂര്ത്തിയാക്കണം. എങ്കില് മാത്രമേ വിമാന കമ്പനികള് ബോർഡിങ് പാസ് അനുവദിക്കുകയുള്ളൂ. എന്നാല് സൗദിയിൽ നിന്ന് തർഹീൽ വഴി വരുന്നവർക്ക് വാക്സിന് സര്ട്ടിഫിക്കറ്റും എയര്സുവിധ രജിസ്ട്രേഷനും ആവശ്യമില്ല. പകരം നെഗറ്റീവ് ആര്.ടി.പി.സി.ആര് ഫലം ഉണ്ടായാല് മതിയെന്ന് സൗദി ഇന്ത്യന് എംബസി വ്യക്തമാക്കി.
റിയാദ്: കൊവിഡ് സാഹചര്യത്തിൽ താൽക്കാലികമായി സർവീസ് നിർത്തിവെച്ചിരുന്ന എയർ ഇന്ത്യയുടെ ജിദ്ദ - കോഴിക്കോട് (Jeddah - Kozhikode flights) സർവീസുകൾ ഈ മാസം 21 മുതൽ പുനഃരാരംഭിക്കും. എയർ ഇന്ത്യ എക്സ്പ്രസ് വിമാനമാണ് ഈ സെക്ടറില് സർവീസ് നടത്തുക. ഈ മാസം 21-ന് കോഴിക്കോട്ട് നിന്ന് ജിദ്ദയിലേക്കാണ് ആദ്യ സർവീസ്.
രാവിലെ 8.40ന് കോഴിക്കോട് നിന്നും പുറപ്പെടുന്ന വിമാനം ഉച്ചക്ക് 12.45ന് ജിദ്ദയിലെത്തും. അന്നേ ദിവസം ഉച്ചക്ക് 1.45ന് ജിദ്ദയിൽ നിന്നും പുറപ്പെടുന്ന വിമാനം രാത്രി 9.55ന് കോഴിക്കോട്ടെത്തും. 165 യാത്രക്കാരെ ഉൾക്കൊള്ളുന്ന ചെറിയ വിമാനമായിരിക്കും സർവീസിനായി ഉപയോഗിക്കുക. എക്കണോമി ക്ലാസ് ടിക്കറ്റുകൾ മാത്രമാണുള്ളത്.
ജിദ്ദ - കോഴിക്കോട് റൂട്ടിൽ വളരെ കുറഞ്ഞ നിരക്കാണ് ടിക്കറ്റുകൾക്ക് പ്രഖ്യാപിച്ചിരിക്കുന്നത്. 20, 30, 40 കിലോഗ്രാം ലഗേജുകൾക്ക് യഥാക്രമം 496 റിയാൽ, 546 റിയാൽ, 646 റിയാൽ എന്നിങ്ങനെയാണ് ജിദ്ദ - കോഴിക്കോട് വൺവേ ടിക്കറ്റ് നിരക്കുകൾ. എന്നാൽ കോഴിക്കോട് നിന്ന് ജിദ്ദയിലേക്കുള്ള ടിക്കറ്റ് നിരക്ക് 1,400 റിയാൽ മുതലാണ് ആരംഭിക്കുന്നത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam