Covid Precautions: കൊവിഡ് നിയന്ത്രണങ്ങള് പാലിക്കാത്തതിന് ഖത്തറില് 653 പേര് പിടിയിലായി
Synopsis
ഖത്തര് ആഭ്യന്തര മന്ത്രാലയം ഉദ്യോഗസ്ഥര് നടത്തിയ പരിശോധനയില് മാസ്ക് ധരിക്കാതിരുന്ന 542 പേര് കൂടി പിടിയിലായി.
ദോഹ: ഖത്തറില്(Qatar) കൊവിഡ് നിയന്ത്രണങ്ങള്(Covid restricions) ലംഘിക്കുന്നവര്ക്കെതിരെ ആഭ്യന്തര മന്ത്രാലയം നടപടികള് ശക്തമാക്കുന്നത് തുടരുന്നു. നിയമം ലംഘിച്ച 653 പേര് കൂടി പിടിയിലായതായി അധികൃതര് ഇന്ന് അറിയിച്ചു. ഇവരില് 542 പേരും മാസ്ക് ധരിക്കാത്തതിനാണ് നടപടി നേരിട്ടത്.
സാമൂഹിക അകലം പാലിക്കാത്തതിന് 101 പേര് പിടിയിലായി. മൊബൈലില് ഇഹ്തിറാസ് ആപ്ലിക്കേഷന് ഇല്ലാതിരുന്നതിന് 10 പേരെയും പിടികൂടി. എല്ലാവരെയും തുടര് നടപടികള്ക്കായി പ്രോസിക്യൂഷന് കൈമാറി. കൊവിഡ് നിയന്ത്രണങ്ങള് ലംഘിച്ചതിന് ഖത്തറില് ഇതുവരെ ആയിരക്കണക്കിന് പേരെ ആഭ്യന്തര മന്ത്രാലയത്തിലെ ഉദ്യോഗസ്ഥര് പിടികൂടി പ്രോസിക്യൂഷന് കൈമാറിയിട്ടുണ്ട്.
ക്യാബിനറ്റ് തീരുമാനത്തിന് അനുസൃതമായാണ് നടപടി സ്വീകരിച്ചതെന്ന് അധികൃതര് അറിയിച്ചു. അടച്ചിട്ട പൊതുസ്ഥലങ്ങളില് മാസ്ക് ധരിക്കണം. പള്ളികള്, സ്കൂളുകള്, യൂണിവേഴ്സിറ്റികള്, ആശുപത്രികള് എന്നിവിടങ്ങളിലും മാസ്ക് നിര്ബന്ധമാണ്. മാസ്ക് ധരിക്കാത്തതുമായി ബന്ധപ്പെട്ട നിയമലംഘനങ്ങള്ക്ക് സാംക്രമിക രോഗങ്ങള് തടയുന്നതിനുള്ള 1990ലെ 17-ാം നമ്പര് ഉത്തരവ് പ്രകാരമാണ് നടപടിയെടുക്കുക. ഇതുവരെ ആയിരക്കണക്കിന് പേരെയാണ് ഇത്തരത്തില് അധികൃതര് പിടികൂടി തുടര് നടപടികള്ക്കായി പ്രോസിക്യൂഷന് കൈമാറിയിട്ടുള്ളതെന്ന് ആരോഗ്യ മന്ത്രാലയം പുറത്തിറക്കിയ പ്രസ്താവനയില് അറിയിച്ചു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam