കാര് ഒട്ടകത്തില് ഇടിച്ച് അപകടം; സൗദിയില് അഞ്ച് യുവാക്കള് മരിച്ചു
Synopsis
അപകടത്തില്പ്പെട്ട കാറിലെ യാത്രക്കാര് ആരും തന്നെ രക്ഷപ്പെട്ടിട്ടില്ല.
റിയാദ്: സൗദി അറേബ്യയിലെ റിയാദ് പ്രവിശ്യയില്പ്പെട്ട അഫ്ലാജില് കാര് ഒട്ടകത്തില് ഇടിച്ച് അപകടം. അപകടത്തില് അഞ്ച് യുവാക്കള് മരിച്ചു. അല്അഹ്മര്-ലൈല റോഡില് അഫ്ലാജില് നിന്ന് 30 കിലോമീറ്റര് ദൂരെ ബുധനാഴ്ച രാത്രിയാണ് അപകടം ഉണ്ടായത്.
ഒട്ടക വളര്ത്തല് വളര്ത്തല് കേന്ദ്രങ്ങള്ക്ക് സമീപം കടന്നുപോകുന്ന അല്അഹ്മര്-ലൈല റോഡില് അപകടങ്ങള് പതിവാണ്. അപകടത്തില്പ്പെട്ട കാറിലെ യാത്രക്കാര് ആരും തന്നെ രക്ഷപ്പെട്ടിട്ടില്ല. റോഡില് ഭൂരിഭാഗം സ്ഥലത്തും അല്അഹ്മര് നഗരസഭ തെരുവു വിളക്കുകള് സ്ഥാപിച്ചിട്ടുണ്ട്. ആവര്ത്തിച്ചുണ്ടാകുന്ന അപകടങ്ങള് തടയാന് അല്അഹ്മര്-ലൈല റോഡിലെ ശേഷിക്കുന്ന ഭാഗങ്ങളില് കൂടി തെരുവു വിളക്കുകള് സ്ഥാപിക്കണമെന്നാണ് പ്രദേശവാസികളുടെ ആവശ്യം.
Read More - മലയാളി ഉംറ തീർത്ഥാടക വിമാനത്താവളത്തിൽ കുഴഞ്ഞുവീണു മരിച്ചു
കഴിഞ്ഞ ദിവസം സൗദി അറേബ്യയിൽ ഉണ്ടായ വാഹനാപകടത്തില് വിദ്യാര്ഥി മരണപ്പെട്ടിരുന്നു. ദക്ഷിണ സൗദിയിലെ അസീർ പ്രവിശ്യയിലുണ്ടായ അപകടത്തിൽ മറ്റൊരു വിദ്യാര്ഥി അടക്കം രണ്ടു പേര്ക്ക് പരിക്കേല്ക്കുകയും ചെയ്തു. അസീര് പ്രവിശ്യയില് പെട്ട അല്അംവാഹിലെ അല്അമായിര് സെക്കൻഡറി സ്കൂള് വിദ്യാര്ഥികള് സഞ്ചരിച്ച പിക്കപ്പും മറ്റു രണ്ടു വാഹനങ്ങളും കൂട്ടിയിടിച്ചാണ് അപകടമുണ്ടായത്. ഗുരുതരമായി പരിക്കേറ്റ വിദ്യാര്ഥി ആശുപത്രിയില് വെച്ചാണ് അന്ത്യശ്വാസം വലിച്ചത്.
ഷാര്ജയില് വാഹനാപകടത്തില് രണ്ട് കൗമാരക്കാര്ക്ക് ദാരുണാന്ത്യം, മൂന്നുപേര്ക്ക് പരിക്ക്
ഷാര്ജ: ഷാര്ജയില് വാഹനാപകടത്തില് കൗമാരക്കാരായ രണ്ടുപേര് മരിച്ചു. മൂന്നുപേര്ക്ക് പരിക്കേറ്റു. സ്വദേശികളാണ് ഇവര് എല്ലാവരും. ഷാര്ജ സെന്ട്രല് റീജിയണില് കഴിഞ്ഞ ശനിയാഴ്ചയാണ് അപകടം ഉണ്ടായത്. അല് മദാം പ്രദേശത്താണ് അപകടം ഉണ്ടായത്.
Read More - മയക്കുമരുന്ന് കടത്ത്; രണ്ട് പ്രവാസികളുടെ വധശിക്ഷ നടപ്പാക്കി
പതിനാലും പതിനാറും വയസ്സ് പ്രായമുള്ള കുട്ടികളാണ് അപകടത്തില് മരിച്ചത്. വാഹനമോടിച്ചവര്ക്ക് ഡ്രൈവിങ് ലൈസന്സില്ലായിരുന്നെന്ന് പൊലീസ് അറിയിച്ചു. രണ്ട് വാഹനങ്ങള് കൂട്ടിയിടിച്ചാണ് അപകടം ഉണ്ടായത്. രാത്രി 12 മണിക്കാണ് പൊലീസ് ഓപ്പറേഷന്സ് റൂമില് അപകട വിവരം ലഭിക്കുന്നത്. ഉടന് തന്നെ പൊലീസ് പട്രോള് സംഘവും ആംബുലന്സുകളും സ്ഥലത്തെത്തി ഇവരെ അല് ദൈയ്ദ് ആശുപത്രിയിലേക്ക് മാറ്റി.
പിന്നീട് പരിക്കേറ്റവരില് രണ്ടുപേരെ റാഷിദ് ഹോസ്പിറ്റലില് പ്രവേശിപ്പിച്ചു. മരണപ്പെട്ട രണ്ടുപേരുടെ മൃതദേഹങ്ങള് ബന്ധുക്കള്ക്ക് വിട്ടു നല്കി. സംഭവത്തില് ഷാര്ജ പൊലീസ് അന്വേഷണം ആരംഭിച്ചു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ