യുഎഇയിൽ പ്രവാസി മലയാളി മരിച്ചു, വിടവാങ്ങിയത് മലപ്പുറം സ്വദേശി

മലപ്പുറം ചങ്ങരംകുളം സ്വദേശി മജീദ് ആണ് റാസൽഖൈമയിൽ മരിച്ചത്

റാസൽഖൈമ: യുഎഇയിൽ പ്രവാസി മലയാളി മരിച്ചു. മലപ്പുറം ചങ്ങരംകുളം സ്വദേശി മജീദ് കിഴക്കേതിൽ ആണ് റാസൽഖൈമയിൽ മരിച്ചത്. 52 വയസ്സായിരുന്നു. ഹൃദയാഘാതത്തെ തുടർന്ന് വ്യാഴാഴ്ച രാത്രിയായിരുന്നു അന്ത്യം. ഇദ്ദേഹം ദീർഘനാളായി യുഎഇയിൽ പ്രവാസിയാണ്. ആഭ്യന്തര മന്ത്രാലയം ജീവനക്കാരനായിരുന്നു. മൃതദേഹം മോർച്ചറിയിൽ സൂക്ഷിച്ചിരിക്കുകയാണ്. പിതാവ്: നന്നംമുക്ക് കിഴക്കേതിൽ വീട്ടിൽ സൈദ് (മൊനൂട്ടി). മാതാവ്: ആമിനു. റസിയ തരിയത്ത് ആണ് ഭാര്യ. മക്കൾ: അസലം, ഫൈസാൻ, അമീൻ. റുഖിയ, ജമീല, ഷാഫി എന്നിവർ സഹോദരങ്ങളാണ്. തുടർനടപടികൾ പൂർത്തിയാക്കി മൃതദേഹം ഇന്ന് രാത്രിയോടെ നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം