ഉംറക്കെത്തിയ മലപ്പുറം സ്വദേശിനി പനി ബാധിച്ച് മദീനയിൽ മരിച്ചു. സ്വകാര്യ ഗ്രൂപ്പിന് കീഴിൽ ഉംറക്കെത്തിയ ഇവർ, മക്കയിലെ കർമ്മങ്ങൾക്ക് ശേഷം മദീന സന്ദർശനത്തിനായി എത്തിയതായിരുന്നു.
റിയാദ്: ഉംറ നിർവഹിക്കാനെത്തിയ മലപ്പുറം കൊളത്തൂർ സ്വദേശിനി മദീനയിൽ മരിച്ചു. കൊളത്തൂർ വെങ്ങാട് സ്വദേശിനി ജമീല (56) ആണ് അൽ അഹ്മദി ആശുപത്രിയിൽ ചികിത്സയിലിരിക്കെ മരണപ്പെട്ടത്. സ്വകാര്യ ഗ്രൂപ്പിന് കീഴിൽ ഉംറക്കെത്തിയ ഇവർ, മക്കയിലെ കർമ്മങ്ങൾക്ക് ശേഷം മദീന സന്ദർശനത്തിനായി എത്തിയതായിരുന്നു.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
പനി ബാധിച്ചതിനെ തുടർന്നാണ് ഇവരെ ആശുപത്രിയിൽ പ്രവേശിപ്പിച്ചത്. കെ. ഇബ്രാഹിം ആണ് ഭർത്താവ്. മക്കൾ: ഫൈസൽ (റിയാദ്), മുഹ്സിൻ (ജിദ്ദ), ജസീന. മരുമകൻ: മൻസൂർ. മൃതദേഹം മദീനയിൽ തന്നെ ഖബറടക്കും. ഐ.സി.എഫ് വെൽഫെയർ സെക്രട്ടറി മുസ്തഫ ചെങ്ങാനി, അബ്ദുൽ അസീസ് സഖാഫി, ബിഷർ പാപ്പിനിശേരി, നിയാസ് കൊല്ലം, റസാഖ് ഉള്ളാളം എന്നിവരുടെ നേതൃത്വത്തിൽ നിയമനടപടികൾ പൂർത്തിയായി വരുന്നു.
