യുഎഇയിലെ ബീച്ചുകള് സന്ദര്ശിക്കുന്നവര്ക്ക് മുന്നറിയിപ്പ്
Synopsis
ഉഷ്ണകാലത്തെ പ്രത്യേക സാഹചര്യം കണക്കിലെടുത്താണ് ഫുജൈറ സിവില് ഡിഫന്സ് ഡിപ്പാര്ട്ട്മെന്റിന്റെ സഹകരണത്തോടെ ശനിയാഴ്ച ക്യാമ്പയിനിന് തുടക്കം കുറിച്ചതെന്ന് ഫുജൈറ പൊലീസ് അറിയിച്ചു.
ഫുജൈറ: യുഎഇയിലെ ബീച്ചുകള് സന്ദര്ശിക്കന്നവര്ക്ക് പ്രത്യേക മുന്നറിയിപ്പുമായി അധികൃതര്. ബീച്ചുകളിലുണ്ടാകുന്ന അപകടങ്ങളും മുങ്ങി മരണങ്ങളും കുറയ്ക്കാന് ലക്ഷ്യമിട്ട് ഒരു മാസം നീണ്ടു നില്ക്കുന്ന ബോധവത്കരണ ക്യാമ്പയിനിന് ഫുജൈറ പൊലീസ് കഴിഞ്ഞ ദിവസം തുടക്കം കുറിച്ചു.
ഉഷ്ണകാലത്തെ പ്രത്യേക സാഹചര്യം കണക്കിലെടുത്താണ് ഫുജൈറ സിവില് ഡിഫന്സ് ഡിപ്പാര്ട്ട്മെന്റിന്റെ സഹകരണത്തോടെ ശനിയാഴ്ച ക്യാമ്പയിനിന് തുടക്കം കുറിച്ചതെന്ന് ഫുജൈറ പൊലീസ് അറിയിച്ചു. കടലില് നീന്തുമ്പോള് പാലിക്കേണ്ട സുരക്ഷാ നിര്ദേശങ്ങള് വിവരിക്കുന്ന പ്രത്യേക ലഘുലേഖകള് ബീച്ചുകളില് എത്തുന്നവര്ക്കിടയില് വിതരണം ചെയ്യും. ഇംഗീഷ്, ഹിന്ദി, ഉറുദു ഭാഷകളില് ഇത്തരത്തിലുള്ള സന്ദേശങ്ങള് തയ്യാറാക്കിയിട്ടുണ്ട്.
ഉഷ്ണ കാലത്ത് ബീച്ചുകളിലും പൂളുകളിലും മുങ്ങി മരണങ്ങള് റിപ്പോര്ട്ട് ചെയ്യപ്പെടാറുള്ള സാഹചര്യത്തിലാണ് ഇത്തവണ നേരത്തെ തന്നെ ബോധവത്കരണ ക്യാമ്പയിനുകള് സംഘടിപ്പിക്കന്നതെന്ന് ഫുജൈറ പൊലീസ് മീഡിയ ആന്റ് പബ്ലിക് റിലേഷന്സ് മേധാവി ക്യാപ്റ്റന് മുഹമ്മദ് ഹസന് അന് ബസ്രി പറഞ്ഞു. കുട്ടികളെയും കൂട്ടി ബീച്ചിലേക്ക് പോകുന്ന കുടുംബങ്ങള് പ്രത്യേകം ശ്രദ്ധ പുലര്ത്തണമെന്നും അദ്ദേഹം പറഞ്ഞു. ബീച്ചുകളില് നീന്തുന്നവര് ലൈഫ് ജാക്കറ്റ് ധരിച്ചിരിക്കണം. ഒപ്പം സൂര്യാസ്തമയത്തിന് ശേഷം കടലില് ഇറങ്ങുന്നത് ഒഴിവാക്കണം. ബീച്ചുകള്ക്ക് പുറമെ റിസോര്ട്ടുകളിലും ഹോട്ടലുകളിലുമെല്ലാം അധികൃതര് ബോധവത്കരണ ക്യാമ്പയിനുമായി എത്തുന്നുണ്ട്.
Read also: താമസ സ്ഥലത്ത് പ്രത്യേക സജ്ജീകരണങ്ങളോടെ കഞ്ചാവ് കൃഷി; കുവൈത്തില് രണ്ട് പേര് അറസ്റ്റില്
അപകടത്തില് പരിക്കേറ്റ പ്രവാസിയെ ഹെലികോപ്റ്ററില് ആശുപത്രിയിലേക്ക് മാറ്റി
മസ്കത്ത്: ഒമാനില് റോഡ് അപകടത്തില് ഗുരുതരമായി പരിക്കേറ്റ പ്രവാസിയെ ഹെലികോപ്റ്ററില് ആശുപത്രിയിലെത്തിച്ചു. റോയല് എയര്ഫോഴ്സിന്റെ സഹായത്തോടെയായിരുന്നു രക്ഷാപ്രവര്ത്തനം. സൗത്ത് അല് ശര്ഖിയ ഗവര്ണറേറ്റിലായിരുന്നു അപകടം നടന്നത്. ബംഗ്ലാദേശ് സ്വദേശിയായ പ്രവാസിക്ക് ഗുരുതരമായി പരിക്കേറ്റു. ആദ്യം മാസിറ ആശുപത്രിയില് പ്രവേശിപ്പിച്ചിരുന്ന ഇയാളെ പിന്നീട് വിദഗ്ധ ചികിത്സക്കായി സുര് ആശുപത്രിയിലേക്ക് മാറ്റുകയായിരുന്നു. ഇതിനായി റോയല് എയര്ഫോഴ്സിന്റെ സഹായം തേടുകയായിരുന്നു.
കുവൈത്തില് പരിശോധന തുടരുന്നു; താമസ നിയമലംഘകരായ 26 പ്രവാസികള് അറസ്റ്റില്
കുവൈത്ത് സിറ്റി: കുവൈത്തില് നിയമലംഘകരെ പിടികൂടാനുള്ള പരിശോധന തുടരുന്നു. ജനറല് അഡ്മിനിസ്ട്രേഷന് ഓഫ് റെസിഡന്സി അഫയേഴ്സ് നടത്തിയ പരിശോധനയില് 26 നിയമലംഘകര് അറസ്റ്റിലായി.
ഫര്വാനിയ ഗവര്ണറേറ്റില് നടത്തിയ പരിശോധനയിലാണ് റെസിഡന്സി, തൊഴില് നിയമലംഘകരായ 26 പേരെ അറസ്റ്റ് ചെയ്തത്. സ്പോണ്സര്മാരുടെ അടുത്ത് നിന്ന് ഒളിച്ചോടിയ 15 പേര്, കാലാവധി കഴിഞ്ഞ റെസിഡന്സ് ഉള്ള 9 പേര്, തിരിച്ചറിയല് രേഖകളില്ലാത്ത രണ്ടുപേര് എന്നിവര് അറസ്റ്റിലായവരില്പ്പെടും. പിടിയിലായവര്ക്കെതിരെ നിയമനടപടികള് സ്വീകരിക്കുന്നതിനായി ബന്ധപ്പെട്ട വകുപ്പുകള്ക്ക് കൈമാറി.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ