ഒമാനില് ബുധനാഴ്ച വരെ കനത്ത മഴയ്ക്ക് സാധ്യത
Synopsis
ഇന്ത്യയില് രൂപംകൊള്ളുന്ന ന്യൂനമര്ദ്ദത്തിന്റെ ഭാഗമായാണ് ഒമാനിലും ശക്തമായ മഴ ലഭിക്കുന്നത്. അറബിക്കടലില് നിന്ന് ഉണ്ടാകുന്ന ന്യൂനമര്ദ്ദത്തെ തുടര്ന്ന് തെക്കന് ശര്ഖിയ, മസ്കറ്റ്, വടക്കന് ശര്ഖിയ, അല് വുസ്ത ഗവര്ണറേറ്റുകളിലേക്കും മഴമേഘങ്ങള് പടരും.
മസ്കറ്റ്: ഒമാന്റെ വിവിധ ഗവര്ണറേറ്റുകളില് ബുധനാഴ്ച വരെ കനത്ത മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. കാറ്റും മിന്നലും ഉണ്ടാകും. അല് ഹജര് പര്വതനിരകള്, വടക്കന് ശര്ഖിയ, ബുറൈമി, ദാഹിറ, ദാഖിലിയ, തെക്കന് ബാത്തിന, തെക്കന് ശര്ഖിയ ഗവര്ണറേറ്റുകളില് മിന്നലോടു കൂടിയ മഴ പെയ്യാന് സാധ്യതയുണ്ട്. പൊടിപടലങ്ങളും ഉയരും.
ഇന്ത്യയില് രൂപംകൊള്ളുന്ന ന്യൂനമര്ദ്ദത്തിന്റെ ഭാഗമായാണ് ഒമാനിലും ശക്തമായ മഴ ലഭിക്കുന്നത്. അറബിക്കടലില് നിന്ന് ഉണ്ടാകുന്ന ന്യൂനമര്ദ്ദത്തെ തുടര്ന്ന് തെക്കന് ശര്ഖിയ, മസ്കറ്റ്, വടക്കന് ശര്ഖിയ, അല് വുസ്ത ഗവര്ണറേറ്റുകളിലേക്കും മഴമേഘങ്ങള് പടരും. മണിക്കൂറില് 40-80 കിലോമീറ്ററായിരിക്കും കാറ്റിന്റെ വേഗത. പൊടിക്കാറ്റ് ഉയരാന് സാധ്യതയുള്ളതിനാല് ദൂരക്കാഴ്ചയെ ബാധിച്ചേക്കും. വാദികള് നിറഞ്ഞുകവിയാന് സാധ്യതയുള്ളതിനാല് ജാഗ്രത പാലിക്കണമെന്ന് അധികൃതര് അറിയിച്ചു.
വെള്ളത്തിലൂടെ വാഹനവുമായി സാഹസിക അഭ്യാസം; ഒമാനില് യുവാവ് അറസ്റ്റില്
ഒമാനില് മരുഭൂമിയില് കുടുങ്ങിയ രണ്ട് തമിഴ്നാട് സ്വദേശികള് മരിച്ചു
മസ്കറ്റ്: ഒമാനില് മരൂഭൂമിയില് കുടുങ്ങിയ രണ്ട് തമിഴ്നാട് സ്വദേശികള്ക്ക് ദാരുണാന്ത്യം. തിരുനെല്വേലി സ്വദേശി സയ്യിദ് മുഹമ്മദ് അമീസ് സിക്കന്ദര് (30), ട്രിച്ചി രാധനെല്ലൂര് സ്വദേശി ഗണേഷ് വര്ധാന് (33) എന്നിവരെയാണ് നാലാം ദിവസം ഒബാറിന് സമീപമുള്ള ഫസദില് നിന്ന് മരിച്ച നിലയില് കണ്ടെത്തിയത്.
മരുഭൂമിയില് തൊഴില് ആവശ്യങ്ങള്ക്കായി പോയവരാണ് മരിച്ചത്. ഇവര് സഞ്ചരിച്ച വാഹനത്തിന്റെ ടയര് മണലില് താഴ്ന്നാണ് അപകടം ഉണ്ടായത്. മരുഭൂമിയില് കുടുങ്ങിയ ഇവര് കനത്ത ചൂടില് ഭക്ഷണവും വെള്ളവും കിട്ടാതെ മരണപ്പെടുകയായിരുന്നെന്നാണ് കരുതുന്നത്. ജൂണ് 28നായിരുന്നു തുംറൈത്തിന് പടിഞ്ഞാറ് ഒമാന്റെ ബോര്ഡര് ഭാഗമായ ഒബാറിലേക്ക് സര്വ്വേ ജോലിക്കായി ഇവര് പോയത്. പിന്നീട് ഇവരെ കുറിച്ച് വിവരമൊന്നും ലഭിച്ചിരുന്നില്ല. ഇവര് സഞ്ചരിച്ച നിസാന് പട്രോള് വാഹനത്തിന്റെ ടയര് മണലില് താഴ്ന്നുപോകുകയായിരുന്നു. വാഹനത്തിന് കുറച്ച് അകലെ മാറിയാണ് മൃതദേഹങ്ങള് കണ്ടെത്തിയത്.
വെഹിക്കിള് മോണിറ്ററിങ് സിസ്റ്റം (ഐവിഎംഎസ്) സിഗ്നല് കാണിക്കാതിരുന്നത് കൊണ്ട് ഇവരുടെ ലൊക്കേഷന് കണ്ടെത്താന് കമ്പനി അധികൃതര്ക്ക് കഴിഞ്ഞിരുന്നില്ല. പൊലീസില് പരാതി നല്കിയ ഉടന് തന്നെ തെരച്ചില് ആരംഭിച്ചിരുന്നു. എയര്ലിഫ്റ്റ് ചെയ്ത മൃതദേഹങ്ങള് സലാല സുല്്ത്താന് ഖാബൂസ് ആശുപത്രിയിലേക്ക് മാറ്റി
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam