ഖത്തറിലേക്ക് നിരോധിത വസ്തുക്കള് കൊണ്ടുവരുന്നതിനെതിരെ അധികൃതര് നിരന്തരം മുന്നറിയിപ്പുകള് നല്കുന്നുണ്ട്. അതിര്ത്തികളില് കള്ളക്കടത്തുകാരെ പിടികൂടാന് ആവശ്യമായ അത്യാധുനിക ഉപകരണങ്ങളും വിദഗ്ധ പരിശീലനം സിദ്ധിച്ച ഉദ്യോഗസ്ഥരെയും വിന്യസിച്ചിട്ടുണ്ട്.
ദോഹ: ഖത്തറിലേക്ക് (Qatar)വന്തോതില് മയക്കുമരുന്ന് കടത്താനുള്ള ശ്രമം കസ്റ്റംസ് (Customs)അധികൃതര് പരാജയപ്പെടുത്തി. മാരിടൈം കസ്റ്റംസ് വിഭാഗമാണ് ലഹരി ഗുളികകള് പിടികൂടിയത്. 7,330 മയക്കുമരുന്ന് ഗുളികകളാണ് (narcotic pills )പരിശോധനയില് കണ്ടെത്തിയത്.
അല് റുവൈസ് തുറമുഖത്ത് റെഫ്രിജറേറ്റര് ട്രക്ക് എഞ്ചിന് പരിശോധിച്ചപ്പോഴാണ് ലഹരിമരുന്ന് കണ്ടെത്തിയത്. ഇവ പിടിച്ചെടുത്തതിന്റെ ചിത്രങ്ങള് കസ്റ്റംസ് വിഭാഗം സാമൂഹിക മാധ്യമങ്ങളില് പങ്കുവെച്ചിട്ടുണ്ട്. ഖത്തറിലേക്ക് നിരോധിത വസ്തുക്കള് കൊണ്ടുവരുന്നതിനെതിരെ അധികൃതര് നിരന്തരം മുന്നറിയിപ്പുകള് നല്കുന്നുണ്ട്. അതിര്ത്തികളില് കള്ളക്കടത്തുകാരെ പിടികൂടാന് ആവശ്യമായ അത്യാധുനിക ഉപകരണങ്ങളും വിദഗ്ധ പരിശീലനം സിദ്ധിച്ച ഉദ്യോഗസ്ഥരും തങ്ങള്ക്കുണ്ടെന്ന് അറിയിച്ച ഖത്തര് കസ്റ്റംസ്, കള്ളക്കടത്തുകാരുടെ ശരീര ഭാഷയില് നിന്നുപോലും അവരെ തിരിച്ചറിയാന് സാധിക്കുമെന്നും വ്യക്തമാക്കിയിട്ടുണ്ട്.
تمكنت إدارة الجمارك البحرية من إحباط عملية تهريب عدد من أقراص الكبتاجون المخدرة ، وذلك إثر اشتباه المفتش بميناء الرويس في محرك شاحنة ( براد ) ، وعند فك القطع تبين وجود أقراص الكبتاجون بداخلها و بلغ عددها 7330 قرص
pic.twitter.com/HYloNUDKMd
ഒമാനിലേക്ക് മയക്കുമരുന്ന് കടത്ത്; ആറ് പേര് അറസ്റ്റില്
മസ്കത്ത്: ഒമാനിലേക്ക് മയക്കുമരുന്ന് കടത്താന് (narcotic smuggling) ശ്രമിച്ച ആറംഗ സംഘത്തെ അറസ്റ്റ് ചെയ്തതായി റോയല് ഒമാന് പൊലീസ് (Royal Oman Police) അറിയിച്ചു. സൗത്ത് അല് ബാത്തിന (South Al Batinah) ഗവര്ണറേറ്റ് പൊലീസിന്റെ നേതൃത്വത്തില് മയക്കുമരുന്ന് കണ്ടെത്തിന്നതിനുള്ള പ്രത്യേക സംഘമാണ് നിരീക്ഷണം നടത്തിയതും പ്രതികളെ അറസ്റ്റ് ചെയ്തതും.
കോസ്റ്റ് ഗാര്ഡ് ഉള്പ്പെടെയുള്ളവയുടെ സഹായത്തോടെയാണ് കള്ളക്കടത്ത് സംഘത്തെ കുടുക്കിയത്. മയക്കുമരുന്ന് കൈവശം വെച്ചതിനും കടത്തിയതിനുമാണ് പ്രതികള്ക്കെതിരെ കേസെടുത്തിരിക്കുന്നത്. പിടിയിലായവരില് മൂന്ന് പേര് അനധികൃതമായി ഒമാനില് പ്രവേശിച്ചവരാണ്. 95 കിലോഗ്രാം ക്രിസ്റ്റല് മെത്ത് ഇവരില് നിന്ന് പിടിച്ചെടുത്തതായി റോയല് ഒമാന് പൊലീസ് പുറത്തിറക്കിയ അറിയിപ്പില് പറയുന്നു.