യുഎഇയില് വിപിഎന് ഉപയോഗിച്ച് പോണ് വീഡിയോ കണ്ടാല് നാല് കോടി രൂപ വരെ പിഴ!
Synopsis
നോര്ഡ് സെക്യൂരിറ്റി ഡേറ്റയുടെ പുതിയ കണക്കുകള് പ്രകാരം ഈ വര്ഷം ആദ്യ പാദത്തില് ഗള്ഫ് മേഖലയില് വിപിഎന് ഉപയോഗം കഴിഞ്ഞ വര്ഷം ഇതേ കാലയളവുമായി താരതമ്യം ചെയ്യുമ്പോള് 30 ശതമാനം വര്ധിച്ചു.
അബുദാബി: യുഎഇയില് വിപിഎന് ഉപയോഗിച്ച് അശ്ലീല വീഡിയോകള് കാണുകയും നിരോധിത വെബ്സൈറ്റുകള് സന്ദര്ശിക്കുകയും ചെയ്താല് നടപടി. കനത്ത പിഴ ഉള്പ്പെടെ ശിക്ഷ നല്കും. യുഎഇയിലും ഗള്ഫ് മേഖലയിലും ഡേറ്റിങ്, ചൂതാട്ടം, അഡള്ട്ട് വെബ്സൈറ്റുകള് എന്നിവയ്ക്കായും ഓഡിയോ-വീഡിയോ കോളിങ് ആപ്പുകള് ഡൗണ്ലോഡ് ചെയ്യുന്നതിനുമായി വെര്ച്വല് പ്രൈവറ്റ് നെറ്റ് വര്ക്ക്(വിപിഎന്) ഉപയോഗം വര്ധിച്ചുവരുന്നതായാണ് കണക്കുകള്.
യുഎഇ സൈബര് നിയമത്തിലെ ആര്ട്ടിക്കിള് 10 അനുസരിച്ച് ഇത്തരത്തിലുള്ള കുറ്റങ്ങള് ചെയ്യുന്നവര് നടപടി നേരിടേണ്ടി വരും. തടവുശിക്ഷയും 500,000 ദിര്ഹം മുതല് 20 ലക്ഷം ദിര്ഹം വരെയുള്ള പിഴയുമാണ് കുറ്റകൃത്യത്തിന് തീവ്രത അനുസരിച്ച് ശിക്ഷയായി നല്കുക. നോര്ഡ് സെക്യൂരിറ്റി ഡേറ്റയുടെ പുതിയ കണക്കുകള് പ്രകാരം ഈ വര്ഷം ആദ്യ പാദത്തില് ഗള്ഫ് മേഖലയില് വിപിഎന് ഉപയോഗം കഴിഞ്ഞ വര്ഷം ഇതേ കാലയളവുമായി താരതമ്യം ചെയ്യുമ്പോള് 30 ശതമാനം വര്ധിച്ചു. യുഎഇയില് വിപിഎന് ആവശ്യകത 36 ശതമാനം വര്ധിച്ചു.
വയറിലൊളിപ്പിച്ച് കൊണ്ടുവന്ന മയക്കുമരുന്ന് ഗുളികകളുമായി പ്രവാസി യുവാവ് വിമാനത്താവളത്തില് പിടിയിലായി
കൂടുതല് ഇന്റര്നെറ്റ് ഉപഭോക്താക്കള് നിരോധിച്ച ഉള്ളടക്കങ്ങള് കാണുന്നതായാണ് ഇതിലൂടെ വ്യക്തമാകുന്നത്. യുഎഇ ഗവൺമെന്റിന്റെയും ടെലികമ്മ്യൂണിക്കേഷൻസ് ആൻഡ് ഡിജിറ്റൽ ഗവൺമെന്റ് റെഗുലേറ്ററി അതോറിറ്റിയുടെയും (ടിഡിആർഎ) മാർഗ്ഗനിർദ്ദേശങ്ങൾ അനുസരിച്ച് യുഎഇയിൽ വിപിഎൻ ഉപയോഗിക്കുന്നത് നിയമവിരുദ്ധമല്ലെന്ന് ആശിഷ് മേത്ത ആൻഡ് അസോസിയേറ്റ്സിന്റെ മാനേജിംഗ് പാർട്ണർ ആശിഷ് മേത്ത പറഞ്ഞു. എന്നാൽ വിപിഎൻ ഉപയോഗിച്ച് അശ്ലീല വീഡിയോകള് കാണുന്നത്, ചൂതാട്ട വെബ്സൈറ്റുകൾ സന്ദർശിക്കുന്നത് എന്നിവ നിയമവിരുദ്ധമാണ്.
2021ലെ സൈബര് ക്രൈമുമായി ബന്ധപ്പെട്ട യുഎഇ നിയമം 34 പ്രകാരം അനധികൃത കാര്യത്തിനോ കുറ്റകൃത്യങ്ങള്ക്കോ ആയി വിപിഎന് ഉപയോഗിക്കുന്നത് ഗൗരവകരമായ കുറ്റകൃത്യമാണ്. ഐപി അഡ്രസ് മറച്ചുവെച്ച് വിപിഎന് ഉപയോഗിക്കുകയും ഇതിലൂടെ യുഎഇ സര്ക്കാര് നിരോധിച്ച വെബ്സൈറ്റുകള്, കോളിങ് ആപ്ലിക്കേഷനുകള്, ഗെയിമിങ് ആപ്പുകള് എന്നിവ ഉപയോഗിക്കുന്നത് നിയമവിരുദ്ധമാണ്.
ഭൂഗര്ഭ വാട്ടര് ടാങ്കില് മുങ്ങി പ്രവാസി യുവാവ് മരിച്ചു
മസ്കത്ത്: പ്രവാസി യുവാവ് ഒമാനില് ഭൂഗര്ഭ വാട്ടര് ടാങ്കില് മുങ്ങി മരിച്ചു. നോര്ത്ത് അല് ശര്ഖിയ ഗവര്ണറേറ്റിലായിരുന്നു അപകടം. ഒമാന് സിവില് ഡിഫന്സ് ആന്റ് ആംബുലന്സ് അതോറിറ്റിയില് (Civil Defence and Ambulance Authority) നിന്നുള്ള രക്ഷാപ്രവര്ത്തകര് സ്ഥലത്തെത്തിയെങ്കിലും അതിന് മുമ്പ് തന്നെ മരണം സംഭവിച്ചിരുന്നതായി ഔദ്യോഗിക പ്രസ്താവന വ്യക്തമാക്കി.
മയക്കുമരുന്നുമായി പിടിയിലായ മൂന്ന് പ്രവാസികള്ക്ക് വധശിക്ഷ
നോര്ത്ത് അല് ശര്ഖിയ ഗവര്ണറേറ്റിലെ അല് ഖാബില് വിലായത്തിലായിരുന്നു ദാരുണമായ അപകടം നടന്നത്. ഇവിടെയുള്ള ഒരു ഫാമില് സ്ഥാപിച്ചിരുന്ന ഭൂഗര്ഭ വാട്ടര് ടാങ്കിലാണ് പ്രവാസി മുങ്ങിമരിച്ചതെന്ന് സിവില് ഡിഫന്സ് ആന്റ് ആംബുലന്സ് അതോറിറ്റി പുറത്തിറക്കിയ പ്രസ്തവനയില് പറയുന്നു. മരണപ്പെട്ടത് ഏഷ്യക്കാരനാണെന്നതൊഴികെ ഇയാള് ഏത് രാജ്യക്കാരനാണെന്നത് ഉള്പ്പെടെ മറ്റ് വിശദ വിവരങ്ങളൊന്നും അധികൃതര് പുറത്തുവിട്ടിട്ടില്ല.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam