ചുട്ടുപൊള്ളുന്ന ചൂ​ടിനൊപ്പം പൊടിക്കാറ്റും, ഇന്നത്തെ ചൂട് 45 ഡി​ഗ്രി സെ​ല്‍ഷ്യ​സ്, മുന്നറിയിപ്പ് നല്‍കി ഖത്തർ

വെള്ളിയാഴ്ച മുതൽ ശക്തമായ വടക്കുപടിഞ്ഞാറൻ കാറ്റിന് സാധ്യത

ദോഹ: രാജ്യത്ത് ​വേനൽ ചൂട് കനക്കുന്നതിനിടെ വ​രും ദി​വ​സ​ങ്ങ​ളി​ൽ കാ​റ്റും പൊ​ടി​യും ശ​ക്ത​മാ​കു​മെ​ന്ന മു​ന്ന​റി​യി​പ്പു​മാ​യി ഖത്തർ കാ​ലാ​വ​സ്ഥാ വി​ഭാ​ഗം. വെ​ള്ളി​യാ​ഴ്ച മു​ത​ല്‍ ഖത്തറിലുടനീളം ശ​ക്ത​മാ​യ വ​ട​ക്കു​പ​ടി​ഞ്ഞാ​റ​ന്‍ കാ​റ്റ് വീ​ശു​മെ​ന്നാ​ണ് കാലാവസ്ഥാ വകുപ്പിന്റെ മുന്നറിയിപ്പ്. ഇ​തോ​ടൊ​പ്പം പൊ​ടി​ക്കാ​റ്റു​ണ്ടാ​കാ​നും സാ​ധ്യ​ത​യു​ണ്ട്. അടുത്തയാഴ്ച്ച മുഴുവൻ ഈ കാലാവസ്ഥ തുടരുമെന്നും സോഷ്യൽ മീഡിയയിൽ പങ്കുവെച്ച അറിയിപ്പിലൂടെ കാലാവസ്ഥാ വകുപ്പ് വ്യക്തമാക്കി.

വാ​രാ​ന്ത്യ​ത്തി​ല്‍ ചൂ​ട് വ​ര്‍ധി​ക്കു​മെ​ന്ന് നേ​ര​ത്തെ മു​ന്ന​റി​യി​പ്പ് ന​ല്‍കി​യി​രു​ന്നു. ബു​ധ​നാ​ഴ്ച 45 ഡി​ഗ്രി സെ​ല്‍ഷ്യ​സ് വ​രെ​യാ​ണ് രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ അ​ന്ത​രീ​ക്ഷ താ​പ​നി​ല രേ​ഖ​പ്പെ​ടു​ത്തി​യ​ത്. വരും ദിവസങ്ങളിൽ ചൂടിനൊപ്പം ശക്തമായ കാറ്റും പൊടിയും അനുഭവപ്പെടാൻ സാധ്യതയുള്ളതിനാൽ പൊ​തു​ജ​ന​ങ്ങ​ൾ ജാ​ഗ്ര​ത പാ​ലി​ക്ക​ണമെന്ന് കാലാവസ്ഥാ വകുപ്പ് നിർദേശിച്ചു. പൊടിക്കാറ്റ് മൂലം കാ​ഴ്ചാ​പ​രി​ധി കു​റ​ഞ്ഞേക്കാം. കൂടാതെ ഈ സമയത്ത് കടൽ പ്രക്ഷുബ്ധമാകാനുള്ള സാധ്യതയുള്ളതിനാൽ ക​ട​ലി​ല്‍ പോ​കു​ന്ന​വ​ര്‍ക്കും മു​ന്ന​റിയി​പ്പു​ണ്ട്. ഔ​ദ്യോ​ഗി​ക കേ​ന്ദ്ര​ങ്ങ​ളി​ല്‍ നി​ന്നു​ള്ള വി​വ​ര​ങ്ങ​ള്‍ മാ​ത്രം പി​ന്തു​ട​ര​ണ​മെ​ന്നും മു​ന്‍ക​രു​ത​ലു​ക​ള്‍ സ്വീ​ക​രി​ക്ക​ണ​മെ​ന്നും കാ​ലാ​വ​സ്ഥാ വി​ഭാ​ഗം അ​റി​യി​ച്ചു.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം