വീടുകളില്‍ മോഷണം; സൗദിയില്‍ രണ്ട് സ്ത്രീകളടക്കം എട്ട് പേര്‍ പിടിയില്‍

വീടുകളില്‍ നിന്ന് ആഭരണങ്ങള്‍, ഇലക്ട്രോണിക് ഉപകരണങ്ങള്‍, മറ്റ് വിലപിടിപ്പുള്ള വസ്തുക്കള്‍ എന്നിവ മോഷ്ടിക്കുകയാണ് സംഘത്തിലെ പുരുഷന്മാര്‍ ചെയ്തിരുന്നത്. മോഷണ വസ്തുക്കള്‍ വില്‍പ്പന നടത്തുന്നത് സംഘത്തിലെ സ്ത്രീകളാണ്.

റിയാദ്: സൗദി അറേബ്യയില്‍ മോഷണക്കുറ്റത്തിന് എട്ടു പേര്‍ അറസ്റ്റില്‍. റിയാദില്‍ വീടുകളില്‍ കവര്‍ച്ച നടത്തിയ സംഘമാണ് അറസ്റ്റിലായത്. രണ്ട് സ്ത്രീകളും അറസ്റ്റിലായവരില്‍പ്പെടുന്നു.

പ്രതികളില്‍ അഞ്ചു പേര്‍ നിയമാനുസൃത ഇഖാമകളില്‍ രാജ്യത്ത് കഴിയുന്ന യെമന്‍ സ്വദേശികളും ഒരാള്‍ നിയമാനുസൃത ഇഖാമയില്‍ രാജ്യത്ത് കഴിയുന്ന ബുര്‍കിനാഫാസോ സ്വദേശിയും ഒരാള്‍ തൊഴില്‍ സ്ഥലത്ത് നിന്ന് ഒളിച്ചോടിയ ബുറുണ്ടി സ്വദേശിയും ഇഖാമ നിയമലംഘകയുമായ വീട്ടുജോലിക്കാരിയാണ്. ഒരു സ്ത്രീ സൗദി സ്വദേശിയാണ്. 

വീടുകളില്‍ നിന്ന് ആഭരണങ്ങള്‍, ഇലക്ട്രോണിക് ഉപകരണങ്ങള്‍, മറ്റ് വിലപിടിപ്പുള്ള വസ്തുക്കള്‍ എന്നിവ മോഷ്ടിക്കുകയാണ് സംഘത്തിലെ പുരുഷന്മാര്‍ ചെയ്തിരുന്നത്. മോഷണ വസ്തുക്കള്‍ വില്‍പ്പന നടത്തുന്നത് സംഘത്തിലെ സ്ത്രീകളാണ്. പ്രതികളെ തുടര്‍ നിയമ നടപടികള്‍ക്കായി പബ്ലിക് പ്രോസിക്യൂഷന് കൈമാറി. 

നിരവധി വാഹനങ്ങള്‍ മോഷ്ടിച്ച നാലുപേര്‍ ഒമാനില്‍ അറസ്റ്റില്‍

മസ്‌കറ്റ്: ഒമാനിലെ ദോഫാര്‍ ഗവര്‍ണറേറ്റില്‍ നിരവധി വാഹനങ്ങള്‍ മോഷ്ടിച്ച നാലുപേരെ അറസ്റ്റ് ചെയ്തു. റോയല്‍ ഒമാന്‍ പൊലീസാണ് ഇവരെ പിടികൂടിയത്. ഗവര്‍ണറേറ്റിലെ വിവിധ സ്ഥലങ്ങളില്‍ നിന്ന് നിരവധി വാഹനങ്ങള്‍ മോഷ്ടിച്ച പ്രതികളെ ദോഫാര്‍ ഗവര്‍ണറേറ്റ് പൊലീസ് കമാന്‍ഡാണ് പിടികൂടിയത്. ഇവര്‍ക്കെതിരായ നിയമ നടപടികള്‍ പൂര്‍ത്തിയാക്കി വരികയാണെന്ന് റോയല്‍ ഒമാന്‍ പൊലീസ് അറിയിച്ചു.

ഒമാനില്‍ നിര്‍മ്മാണം നടക്കുന്ന വീടുകളില്‍ മോഷണം നടത്തിയതിന് ഏതാനും ദിവസങ്ങള്‍ക്ക് മുമ്പ് രണ്ട് പ്രവാസികളെ അറസ്റ്റ് ചെയ്തിരുന്നു. റുസ്താഖ് വിലായത്തിലെ നിര്‍മ്മാണം നടക്കുന്ന നിരവധി വീടുകളില്‍ മോഷണം നടത്തിയ രണ്ടു പേരെയാണ് റോയല്‍ ഒമാന്‍ പൊലീസ് അറസ്റ്റ് ചെയ്തത്.

പിടിയിലായവര്‍ ഏഷ്യക്കാരാണ്. സൗത്ത് അല്‍ ബത്തിന ഗവര്‍ണറേറ്റിലെ പൊലീസ് കമാന്‍ഡാണ് പ്രതികളെ പിടികൂടിയത്. നിര്‍മ്മാണത്തിലിരിക്കുന്ന വീടുകളിലാണ് ഇവര്‍ മോഷണം നടത്തിയത്. ഇവര്‍ക്കെതിരായ നിയമനടപടികള്‍ പൂര്‍ത്തിയാക്കി വരികയാണെന്ന് റോയല്‍ ഒമാന്‍ പൊലീസ് അറിയിച്ചു.