പ്രവാസികള്ക്ക് സൗദിയിലേക്ക് പ്രവേശിക്കാന് വാക്സിനേഷന് നിര്ബന്ധമില്ല
Synopsis
സൗദിയിലേക്ക് തിരികെ മടങ്ങുന്ന പ്രവാസികള്ക്ക് കൊവിഡ് വാക്സിനേഷന് നിര്ബന്ധമില്ല. പക്ഷേ ഇവരുടെ കൈവശം സാധുതയുള്ള വിസയും റെസിഡന്സി ഐഡിയും ഉണ്ടായിരിക്കണമെന്ന് ഡയറക്ടറേറ്റ് വ്യക്തമാക്കി.
റിയാദ്: സൗദി അറേബ്യയിലേക്ക് പ്രവേശിക്കാനും രാജ്യത്ത് നിന്ന് പുറത്തേക്ക് പോകാനും പ്രവാസികള്ക്ക് കൊവിഡ് വാക്സിനേഷന് നിര്ബന്ധമില്ലെന്ന് അധികൃതര്. അടുത്തിടെ കൊവിഡുമായി ബന്ധപ്പെട്ട നിയന്ത്രണങ്ങളെല്ലാം സൗദി നീക്കിയിരുന്നു. ഇതിന്റെ പശ്ചാത്തലത്തിലാണ് പുതിയ അറിയിപ്പ്.
സൗദിയില് നിന്ന് പുറത്തേക്ക് യാത്ര ചെയ്യാന് പ്രവാസികള്ക്ക് സാധുതയുള്ള വിസയും പാസ്പോര്ട്ടും ഉണ്ടാവണമെന്നും യാത്ര പോകുന്ന രാജ്യത്തെ പ്രവേശന നിബന്ധനകള് പാലിക്കണമെന്നും ജനറല് ഡയറക്ടറേറ്റ് ഓഫ് പാസ്പോര്ട്ട്സ് അറിയിച്ചതായി പ്രാദേശിക മാധ്യമങ്ങളെ ഉദ്ധരിച്ച് 'ഗള്ഫ് ന്യൂസ്' റിപ്പോര്ട്ട് ചെയ്തു. സൗദിയിലേക്ക് തിരികെ മടങ്ങുന്ന പ്രവാസികള്ക്ക് കൊവിഡ് വാക്സിനേഷന് നിര്ബന്ധമില്ല. പക്ഷേ ഇവരുടെ കൈവശം സാധുതയുള്ള വിസയും റെസിഡന്സി ഐഡിയും ഉണ്ടായിരിക്കണമെന്ന് ഡയറക്ടറേറ്റ് വ്യക്തമാക്കി.
വിമാന യാത്രക്കാരുടെ സാധനങ്ങള് മോഷ്ടിച്ചാല് കടുത്ത ശിക്ഷ; മുന്നറിയിപ്പുമായി സൗദി പ്രോസിക്യൂഷന്
സൗദിയില് കൊവിഡ് നിയന്ത്രണങ്ങള് എല്ലാം ഒഴിവാക്കി; ഇനി മാസ്ക് വേണ്ട
റിയാദ്: സൗദിയില് കൊവിഡ് നിയന്ത്രണങ്ങള് എല്ലാം പിന്വലിച്ചു. എല്ലാ മുന്കരുതലുകളും പ്രതിരോധ നടപടികളും ഒഴിവാക്കി. അടച്ചിട്ട ഇടങ്ങളില് ഇനി മാസ്ക് നിര്ബന്ധമല്ലെന്ന് ആഭ്യന്തര മന്ത്രാലയത്തെ ഉദ്ധരിച്ച് ഔദ്യോഗിക വാര്ത്താ ഏജന്സിയായ എസ്.പി.എ റിപ്പോര്ട്ട് ചെയ്തു. എന്നാല് മക്ക, മദീന പള്ളികളില് മാസ്ക് ആവശ്യമാണ്.
സ്ഥാപനങ്ങള്, വിനോദ പരിപാടികള്, പൊതുപരിപാടികള്, വിമാനങ്ങള്, പൊതുഗതാഗതം എന്നിവയില് പ്രവേശിക്കുന്നതിന് ഇനി വാക്സിനേഷന് തെളിവ് ആവശ്യമില്ല. അതേസമയം, പ്രതിരോധ നടപടികള് തുടരാന് ആഗ്രഹിക്കുന്ന ആശുപത്രികള്, പൊതു പരിപാടികള്, വിമാനങ്ങള്, പൊതുഗതാഗതം എന്നിവക്ക് മാസ്ക് ധരിക്കണമെന്ന് ആവശ്യപ്പെടാമെന്ന് സൗദി പ്രസ് ഏജന്സി അറിയിച്ചു.
യുഎഇയിലെ ഫോൺ നമ്പറുകള് രണ്ട് അക്കം വരെയാക്കി ചുരുക്കാം; പുതിയ പദ്ധതി ഇങ്ങനെ
സൗദി അറേബ്യ വിടാന് ആഗ്രഹിക്കുന്ന പൗരന്മാര് മൂന്ന് മാസത്തിന് പകരം എട്ട് മാസത്തിന് ശേഷം മൂന്നാമത്തെ ബൂസ്റ്റര് ഡോസ് എടുക്കേണ്ടതുണ്ട്. പ്രതിരോധ കുത്തിവയ്പ്പില് നിന്ന് ഒഴിവാക്കപ്പെട്ട പ്രത്യേക പ്രായത്തിലുള്ള ആളുകള്ക്ക് പുതിയ നിയന്ത്രണം ബാധകമല്ല. വൈറസില്നിന്ന് സ്വയം പരിരക്ഷിക്കുന്നതിന് മൂന്നാമത്തെ ബൂസ്റ്റര് ഷോട്ട് എടുക്കാന് ആളുകളെ പ്രോത്സാഹിപ്പിക്കുന്നത് തുടരുമെന്ന് മന്ത്രാലയം അറിയിച്ചു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam