വാഹന മോഷണം; ഒമാനില് നാലുപേര് അറസ്റ്റില്
Synopsis
ഗവര്ണറേറ്റിലെ വിവിധ സ്ഥലങ്ങളില് നിന്ന് നിരവധി വാഹനങ്ങള് മോഷ്ടിച്ച പ്രതികളെ ദോഫാര് ഗവര്ണറേറ്റ് പൊലീസ് കമാന്ഡാണ് പിടികൂടിയത്.
മസ്കറ്റ്: ഒമാനിലെ ദോഫാര് ഗവര്ണറേറ്റില് നിരവധി വാഹനങ്ങള് മോഷ്ടിച്ച നാലുപേരെ അറസ്റ്റ് ചെയ്തു. റോയല് ഒമാന് പൊലീസാണ് ഇവരെ പിടികൂടിയത്. ഗവര്ണറേറ്റിലെ വിവിധ സ്ഥലങ്ങളില് നിന്ന് നിരവധി വാഹനങ്ങള് മോഷ്ടിച്ച പ്രതികളെ ദോഫാര് ഗവര്ണറേറ്റ് പൊലീസ് കമാന്ഡാണ് പിടികൂടിയത്. ഇവര്ക്കെതിരായ നിയമ നടപടികള് പൂര്ത്തിയാക്കി വരികയാണെന്ന് റോയല് ഒമാന് പൊലീസ് അറിയിച്ചു.
ഒമാന് ഉള്ക്കടലില് സൗദി നാവികസേന മയക്കുമരുന്ന് പിടികൂടി
ഒമാനില് നിര്മ്മാണം നടക്കുന്ന വീടുകളില് മോഷണം നടത്തിയതിന് ഏതാനും ദിവസങ്ങള്ക്ക് മുമ്പ് രണ്ട് പ്രവാസികളെ അറസ്റ്റ് ചെയ്തിരുന്നു. റുസ്താഖ് വിലായത്തിലെ നിര്മ്മാണം നടക്കുന്ന നിരവധി വീടുകളില് മോഷണം നടത്തിയ രണ്ടു പേരെയാണ് റോയല് ഒമാന് പൊലീസ് അറസ്റ്റ് ചെയ്തത്.
പിടിയിലായവര് ഏഷ്യക്കാരാണ്. സൗത്ത് അല് ബത്തിന ഗവര്ണറേറ്റിലെ പൊലീസ് കമാന്ഡാണ് പ്രതികളെ പിടികൂടിയത്. നിര്മ്മാണത്തിലിരിക്കുന്ന വീടുകളിലാണ് ഇവര് മോഷണം നടത്തിയത്. ഇവര്ക്കെതിരായ നിയമനടപടികള് പൂര്ത്തിയാക്കി വരികയാണെന്ന് റോയല് ഒമാന് പൊലീസ് അറിയിച്ചു.
അപ്പാര്ട്ട്മെന്റിനുള്ളില് ജീര്ണിച്ച നിലയില് പ്രവാസിയുടെ മൃതദേഹം കണ്ടെത്തി
ഒമാനില് നിരോധിത കളറുകളിലുള്ള പഠനോപകരണങ്ങള് പിടിച്ചെടുത്തു
മസ്കത്ത്: നിരോധിത നിറങ്ങളിലുള്ള പഠനോപകരണങ്ങളും മറ്റ് വസ്തുക്കളും ഒമാനില് അധികൃതര് പിടിച്ചെടുത്തു. രാജ്യത്തെ വിവിധ വ്യാപാര സ്ഥാപനങ്ങളില് കണ്സ്യൂമര് പ്രൊട്ടക്ഷന് അതോരിറ്റി നടത്തിയ പരിശോധനയിലാണ് ഇവ കണ്ടെടുത്തത്.
സൗത്ത് അല് ശര്ഖിയ ഗവര്ണറേറ്റിലെ കൺസ്യൂമര് പ്രൊട്ടക്ഷന് ഡിപ്പാര്ട്ട്മെന്റ് നടത്തിയ പരിശോധനയില് പൊതു മര്യാദകള്ക്ക് വിരുദ്ധമായ സൂചനകളും കളറുകളുമുള്ള പഠനോപകരണങ്ങളും പിടിച്ചെടുത്തുവെന്നാണ് ഒമാന് കണ്സ്യൂമര് പ്രൊട്ടക്ഷന് അതോറിറ്റി പുറത്തിറക്കിയ ഔദ്യോഗിക പ്രസ്താവനയില് പറയുന്നത്. ഇത് സംബന്ധമായ നടപടികള് വകുപ്പ് സ്വീകരിച്ചിട്ടുണ്ടെന്നും അധികൃതര് അറിയിച്ചു. ഒമാനില് നേരത്തെയും നിരോധിത ചിത്രങ്ങളും വര്ണങ്ങളും ആലേഖനം ചെയ്ത പട്ടങ്ങള് അധികൃതര് പിടിച്ചെടുത്തിരുന്നു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam