ഒമാനില് ബസ് അപകടം; നാലുപേർ മരിച്ചു, നിരവധിപ്പേര്ക്ക് പരിക്ക്
Synopsis
അഖബ ഖന്തബിൽനിന്ന് അൽ ബുസ്താൻ റോഡ് വാദി അൽ കബീറിലേക്കുള്ള എക്സിറ്റിലാണ് ബസ് മറിഞ്ഞതെന്ന് റോയല് ഒമാന് പൊലീസ് അറിയിച്ചു.
മസ്കത്ത്: ഒമാനില് ബസ് അപകടത്തില്പെട്ട് നാല് പേര് മരിച്ചു. നിരവധിപ്പേര്ക്ക് പരിക്കേറ്റു. ഇവരില് നാല് പേരുടെ നില ഗുരുതരമാണ്. മസ്കത്ത് ഗവർണറേറ്റില് വെള്ളിയാഴ്ച ഉച്ചയ്ക്ക് ശേഷമായിരുന്നു സംഭവം. അഖബ ഖന്തബിൽനിന്ന് അൽ ബുസ്താൻ റോഡ് വാദി അൽ കബീറിലേക്കുള്ള എക്സിറ്റിലാണ് ബസ് മറിഞ്ഞതെന്ന് റോയല് ഒമാന് പൊലീസ് അറിയിച്ചു.
53 പേര് അപകട സമയത്ത് ബസിലുണ്ടായിരുന്നു. നാല് പേര് മരിച്ചതായി റോയല് ഒമാന് പൊലീസ് സ്ഥിരീകരിച്ചിട്ടുണ്ടെങ്കിലും ഇവരെക്കുറിച്ചുള്ള വിവരങ്ങള് ലഭ്യമായിട്ടില്ല. പരിക്കേറ്റ നാലുപേരുടെ നില ഗുരുതരമാണ്. യാത്രക്കാരില് ഏഴ് പേര്ക്ക് സാരമായ പരിക്കുകളുണ്ട്. മറ്റ് 38 പേര്ക്ക് നിസാര പരിക്കുകളാണുള്ളത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ