സംശയം തോന്നി വിശദ പരിശോധന നടത്തി; വിമാനത്താവളത്തില് യാത്രക്കാരനില് നിന്ന് പിടിച്ചെടുത്തത് 4.1 കിലോ ഹാഷിഷ്
Synopsis
വിമാനത്താവളത്തില് എക്സ്റേ മെഷീനില് ബാഗ് സ്കാന് ചെയ്യുന്നതിനിടെ സംശയം തോന്നിയതിനെ തുടര്ന്ന് നടത്തിയ വിശദമായ പരിശോധനയിലാണ് ഹാഷിഷ് കണ്ടെത്തിയത്.
ദോഹ: ഖത്തറില് യാത്രക്കാരനില് നിന്ന് ലഹരിമരുന്ന് പിടികൂടി. ഹമദ് രാജ്യാന്തര വിമാനത്താവളത്തില് യാത്രക്കാരനില് നിന്ന് 4.1 കിലോഗ്രാം ഹാഷിഷ് ആണ് പിടിച്ചെടുത്തത്.
വിമാനത്താവളത്തില് എക്സ്റേ മെഷീനില് ബാഗ് സ്കാന് ചെയ്യുന്നതിനിടെ സംശയം തോന്നിയതിനെ തുടര്ന്ന് നടത്തിയ വിശദമായ പരിശോധനയിലാണ് ഹാഷിഷ് കണ്ടെത്തിയത്. ബാഗിനുള്ളിലെ രഹസ്യ അറകളിലാണ് ഹാഷിഷ് സൂക്ഷിച്ചത്.
Read Also - വിസ കച്ചവടം നടത്തിയ രണ്ടുപേര് ഖത്തറില് പിടിയില്
നിയമലംഘകരെ കണ്ടെത്താന് വ്യാപക പരിശോധന; 343 പ്രവാസികള് അറസ്റ്റില്
കുവൈത്ത് സിറ്റി: കുവൈത്തില് നിയമലംഘകരെ കണ്ടെത്താനുള്ള പരിശോധനകള് വ്യാപകമായി തുടരുന്നു. ഇതിന്റെ ഭാഗമായി ആഭ്യന്തര മന്ത്രാലയത്തിലെ ഉദ്യോഗസ്ഥര് നടത്തിയ പരിശോധനകളില് 343 പ്രവാസികള് അറസ്റ്റിലായി. വിവിധ രാജ്യക്കാരാണ് പിടിയിലായത്. ഷുവൈഖ് ഇന്ഡസ്ട്രിയല്, ഫര്വാനിയ, ഹവല്ലി, മുബാറക് അല് കബീര്, സാല്മിയ, അല് മിര്ഖാബ് എന്നിവിടങ്ങളില് നടത്തിയ പരിശോധനകളിലാണ് ഇവര് അറസ്റ്റിലായത്.
പിടിയിലായവരില് 340 പേര് താമസ, തൊഴില് നിയമങ്ങള് ലംഘിച്ചവരാണ്. ഒരു അനധികൃത സ്ഥാപനത്തില് പങ്കുള്ള രണ്ടുപേരും ഉള്പ്പെടെ പിടിയിലായി. അറസ്റ്റിലായ എല്ലാവരെയും തുടര് നിയമ നടപടികള്ക്കായി ബന്ധപ്പെട്ട അധികൃതര്ക്ക് കൈമാറി.
അതേസമയം കുവൈത്തില് വേശ്യാവൃത്തിയിൽ ഏർപ്പെട്ട 30 പ്രവാസികൾ അറസ്റ്റിലായിരുന്നു. പൊതു ധാര്മ്മികതയ്ക്ക് വിരുദ്ധമായുള്ള പ്രവര്ത്തനങ്ങള് നടക്കുന്നുണ്ടോയെന്ന് കണ്ടെത്താന് ക്രിമിനല് ഇന്വെസ്റ്റിഗേഷന് വിഭാഗം അധികൃതര് സോഷ്യല് മീഡിയ, മസാജ് പാര്ലറുകള് എന്നിവ നിരീക്ഷിച്ച് വരികയായിരുന്നു.
ഇതിന്റെ ഭാഗമായി വ്യത്യസ്ത കേസുകളില് 30 പ്രവാസികളെയാണ് അറസ്റ്റ് ചെയ്തത്. രാജ്യത്തിന്റെ വിവിധ പ്രദേശങ്ങളിൽ നിന്നായി 15 വ്യത്യസ്ത കേസുകളിലായാണ് 30 പ്രവാസികളെ ആഭ്യന്തര മന്ത്രാലയ ഉദ്യോഗസ്ഥര് അറസ്റ്റ് ചെയ്തത്. പൊതു ധാർമ്മികതയ്ക്ക് വിരുദ്ധമായി വേശ്യാവൃത്തിയില് ഏർപ്പെട്ടതുമായി ബന്ധപ്പെട്ട കുറ്റങ്ങൾ ചുമത്തിയാണ് ഇവരെ അറസ്റ്റ് ചെയ്തത്.
കഴിഞ്ഞ ദിവസം കുവൈത്തില് വിവിധ പ്രദേശങ്ങളിൽ മദ്യ നിര്മ്മാണവുമായി ബന്ധപ്പെട്ട കേസുകളില് 12 പ്രവാസികൾ അറസ്റ്റിലായിരുന്നു. ഏഴ് വ്യത്യസ്ത കേസുകളിലായാണ് പ്രതികൾ പിടിയിലായിട്ടുള്ളതെന്ന് അധികൃതർ അറിയിച്ചു.
ഏഷ്യാനെറ്റ് ന്യൂസ് ലൈവ് യുട്യൂബില് കാണാം...
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ