പ്രവാസികള്ക്ക് ആശ്വാസം; നിര്ബന്ധിത ആരോഗ്യ ഇന്ഷുറന്സ് നടപ്പാക്കുന്നു
Synopsis
സ്വകാര്യ മേഖലയിലെ എല്ലാ ജീവനക്കാരും ഉള്പ്പെടുന്നതാണ് പുതിയ ആരോഗ്യ ഇന്ഷുറന്സ് നിയമം.
മസ്കറ്റ്: പ്രവാസി തൊഴിലാളികള്ക്ക് ആശ്വാസമായി ഒമാനില് നിര്ബന്ധിത ആരോഗ്യ ഇന്ഷുറന്സ് നടപ്പാക്കുന്നു. നിര്ബന്ധിത ആരോഗ്യ ഇന്ഷുറന്സ് പ്രാബല്യത്തില് വരുത്താന് ഭരണാധികാരി സുല്ത്താന് ഹൈതം ബിന് താരിഖിന്റെ രാജകീയ ഉത്തരവ്. കഴിഞ്ഞ ദിവസം സുല്ത്താന് ഹൈതം ബിന് താരിഖ് പുറപ്പെടുവിച്ച സാമൂഹിക സംരക്ഷണ നിയമം സംബന്ധിച്ച ഉത്തരവിലാണ് ഇക്കാര്യം പ്രതിപാദിച്ചിരിക്കുന്നത്.
ഇതുസംബന്ധിച്ച ഉത്തരവ് മൂന്ന് വര്ഷത്തിന് ശേഷമാണ് പ്രാബല്യത്തില് വരിക. സ്വകാര്യ മേഖലയിലെ എല്ലാ ജീവനക്കാരും ഉള്പ്പെടുന്നതാണ് പുതിയ ആരോഗ്യ ഇന്ഷുറന്സ് നിയമം. നിലവില് ഒമാനില് 1,784,736 പ്രവാസികളുണ്ട്. ഇവരില് 44,236 പേര് സര്ക്കാര് സ്ഥാപനങ്ങളിലും 1,406,925 പേര് സ്വകാര്യ മേഖലയിലും തൊഴിലെടുക്കുന്നവരാണ്.
പുതിയ നിയമത്തിലൂടെ സ്വകാര്യ മേഖലയിലെ സ്വദേശികള്ക്കും വിദേശികള്ക്കും പരിരക്ഷ ലഭിക്കും. പരിക്കും രോഗാവസ്ഥയും കണക്കിലെടുത്താണ് ആരോഗ്യ പരിരക്ഷ ലഭിക്കുക. ഒറ്റത്തവണ നഷ്ടപരിഹാരം, വൈകല്യ പെന്ഷനുകള്, അലവന്സുകള് എന്നിങ്ങനെ ഇതിനെ വിവിധ വിഭാഗങ്ങളായി തിരിച്ചിട്ടുണ്ട്.
Read Also - ഈ ഗള്ഫ് രാജ്യങ്ങളില് ഇനി ഇന്ത്യക്കാര്ക്ക് വിസയില്ലാതെ യാത്ര ചെയ്യാം; പുതിയ പട്ടിക പുറത്ത്
വന് റിക്രൂട്ട്മെന്റുമായി ഡിനാറ്റ; ആയിരക്കണക്കിന് പേര്ക്ക് തൊഴിലവസരങ്ങള്
ദുബൈ: വന് റിക്രൂട്ട്മെന്റ് പ്രഖ്യാപിച്ച് എമിറേറ്റ്സ് ഗ്രൂപ്പിന് കീഴിലുള്ള എയര്പോര്ട്ട് ആന്ഡ് ട്രാവല് സര്വീസ് കമ്പനിയായ ഡിനാറ്റ. ആഗോളതലത്തില് ജീവനക്കാരുടെ എണ്ണം വര്ധിപ്പിക്കാനൊരുങ്ങുകയാണ് ഡിനാറ്റ. ആഗോളതലത്തില് 7,000 ജീവനക്കാരെ കൂടി നിയമിക്കാനാണ് കമ്പനിയുടെ പദ്ധതി.
യാത്രാ ആവശ്യങ്ങള് ശക്തമാകുമെന്ന പ്രതീക്ഷകള്ക്കിടെയാണ് കമ്പനിയുടെ പുതിയ തീരുമാനം. 2023-24 സാമ്പത്തിക വര്ഷം വന് ലാഭവര്ധനയും കമ്പനി ലക്ഷ്യമാക്കുന്നുണ്ട്. 7,000 ഒഴിവുകളില് 1,500 പേരെ ദുബൈയില് നിന്നാകും റിക്രൂട്ട് ചെയ്യുകയെന്ന് ഡിനാറ്റ ഗ്രൂപ്പ് ചീഫ് എക്സിക്യൂട്ടീവ് സ്റ്റീവ് അലനെ ഉദ്ധരിച്ച് ദി നാഷണല് റിപ്പോര്ട്ട് ചെയ്തു. എയര്പോര്ട്ട് കസ്റ്റമര് സര്വീസ്, ബാഗേജ് ഹാന്ഡ്ലിങ്, അടുക്കള ജീവനക്കാര്, കോള് സെന്റര് ഓപ്പറേറ്റേഴ്സ്, ട്രാവല് ഏജന്സികള് എന്നീ തസ്തികകളിലാണ് ഡിനാറ്റ റിക്രൂട്ട്മെന്റ് നടത്തുക.
ഇതിന് പുറമെ വിദഗ്ധ തൊഴില് മേഖലകളായ ഷെഫ്, ഡേറ്റ ശാസ്ത്രജ്ഞര്, മറ്റ് മാനേജ്മെന്റ് തസ്തികകള് എന്നിവയിലും ഒഴിവുകളുണ്ട്. കഴിഞ്ഞ വര്ഷവും ഡിനാറ്റ ജീവനക്കാരുടെ എണ്ണം 17 ശതമാനം ഉയര്ത്തിയിരുന്നു. പ്രതിവര്ഷം കരാര് വ്യവസ്ഥയിലാണ് നിയമനം. നിലവില് 46,000 ജീവനക്കാരാണ് ഡിനാറ്റയിലുള്ളത്.
Read Also - വിദേശികൾക്ക് തിരിച്ചടി; വിവിധ തൊഴിലുകളിൽ സ്വദേശിവത്കരണം നടപ്പാക്കി
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം..
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam