നിയമലംഘകരെ കണ്ടെത്താന് വ്യാപക പരിശോധന തുടരുന്നു; ഒരാഴ്ചക്കിടെ 15,245 പ്രവാസികള് അറസ്റ്റില്
Synopsis
ആഗസ്റ്റ് 10 മുതൽ 16 വരെയുള്ള കാലയളവിൽ താമസ നിയമ ലംഘനം നടത്തിയതിന് 8,539 പേരെയും അനധികൃതമായി രാജ്യത്തിെൻറ അതിർത്തി കടക്കാൻ ശ്രമിച്ചതിന് 4,253 പേരെയും തൊഴിൽ സംബന്ധമായ ചട്ടങ്ങൾ പാലിക്കാത്ത 2,453 പേരെയും പിടികൂടിയതായി മന്ത്രാലയം വാർത്താക്കുറിപ്പിൽ വ്യക്തമാക്കി.
റിയാദ്: താമസ, തൊഴിൽ, അതിർത്തിസുരക്ഷ നിയമലംഘനം നടത്തിയ 15,245 പ്രവാസികളെ സൗദി അറേബ്യയുടെ വിവിധ ഭാഗങ്ങളിൽ നിന്ന് പിടികൂടി. വിവിധ പ്രവിശ്യകളിൽ സുരക്ഷാവകുപ്പുകൾ നടത്തിയ റെയ്ഡുകളിലാണ് ഇത്രയും പേരെ അറസ്റ്റ് ചെയ്തതെന്ന് ആഭ്യന്തര മന്ത്രാലയം അറിയിച്ചു.
ആഗസ്റ്റ് 10 മുതൽ 16 വരെയുള്ള കാലയളവിൽ താമസ നിയമ ലംഘനം നടത്തിയതിന് 8,539 പേരെയും അനധികൃതമായി രാജ്യത്തിെൻറ അതിർത്തി കടക്കാൻ ശ്രമിച്ചതിന് 4,253 പേരെയും തൊഴിൽ സംബന്ധമായ ചട്ടങ്ങൾ പാലിക്കാത്ത 2,453 പേരെയും പിടികൂടിയതായി മന്ത്രാലയം വാർത്താക്കുറിപ്പിൽ വ്യക്തമാക്കി. അനധികൃതമായി രാജ്യത്തേക്ക് പ്രവേശിക്കാൻ ശ്രമിച്ചതിന് അറസ്റ്റിലായ 829 പേരിൽ 53 ശതമാനം പേർ യമനികളും 44 ശതമാനം എത്യോപ്യക്കാരും മൂന്ന് ശതമാനം മറ്റ് രാജ്യക്കാരുമാണെന്ന് റിപ്പോർട്ടിൽ ചൂണ്ടിക്കാട്ടി.
അയൽരാജ്യങ്ങളിലേക്ക് കടക്കാൻ ശ്രമിച്ച 60 പേരെയും നിയമലംഘകരെ കടത്തിക്കൊണ്ടുവന്നതിനും അഭയം നൽകിയതിനും മൂന്ന് പേരെയും അറസ്റ്റ് ചെയ്തു. നിലവില് 39,674 നിയമലംഘകരാണ് നടപടിക്രമങ്ങള്ക്ക് വിധേയരായത്. ഇവരില് 32,636 പേര് പുരുഷന്മാരും 7,038 പേര് സ്ത്രീകളുമാണ്. 33,579 പേര്ക്ക് താല്ക്കാലിക യാത്രാ രേഖകള് സംഘടിപ്പിക്കാന് എംബസികളുമായും കോണ്സുലേറ്റുകളുമായും സഹകരിക്കുന്നു. സ്വദേശങ്ങളിലേക്ക് തിരിച്ചയക്കുന്നതിനു മുന്നോടിയായി 1,924 പേര്ക്ക് ടിക്കറ്റ് ബുക്ക് ചെയ്യാന് നടപടികള് സ്വീകരിക്കുന്നു. ഒരാഴ്ചക്കിടെ 9,104 നിയമ ലംഘകരെ സൗദിയില് നിന്ന് നാടുകടത്തിയതായും ആഭ്യന്തര മന്ത്രാലയം അറിയിച്ചു.
Read Also - ആഘോഷത്തിനിടെ ഗായികയുടെ നൃത്തം 'പരിധിവിട്ടു'; സംഘാടകനെതിരെ നടപടി
അതിര്ത്തി സുരക്ഷാ ചട്ടങ്ങള് ലംഘിച്ച് ആര്ക്കെങ്കിലും രാജ്യത്തേക്ക് പ്രവേശിക്കാന് സൗകര്യം ചെയ്തുകൊടുക്കുകയോ അല്ലെങ്കില് അദ്ദേഹത്തിന് ഗതാഗതമോ പാര്പ്പിടമോ എന്തെങ്കിലും സഹായമോ സേവനമോ നല്കുകയോ ചെയ്താല് പരമാവധി 15 വര്ഷം വരെ തടവ് ലഭിക്കുമെന്ന് ആഭ്യന്തര മന്ത്രാലയം മുന്നറിയിപ്പ് നല്കി. കൂടാതെ, ഒരു ദശലക്ഷം റിയാല് വരെ പിഴ, വാഹനങ്ങള് അഭയം നല്കിയ സ്ഥലം എന്നിവ കണ്ടുകെട്ടല് എന്നീ നടപടികള് ഇവര്ക്കെതിരെ സ്വീകരിക്കുമെന്നും അവരുടെ പേരുകള് പ്രാദേശിക മാധ്യമങ്ങളില് വെളിപ്പെടുത്തുമെന്നും മുന്നറിയിപ്പുണ്ട്. നിയമ ലംഘനം ശ്രദ്ധയിൽ പെടുന്നവർ മക്ക, റിയാദ് മേഖലയിലുള്ളവർ 911 എന്ന നമ്പറിലും മറ്റു പ്രദേശങ്ങളിലുള്ളവർ 996, 999 എന്നീ നമ്പറുകളിലും വിളിച്ച് അറിയിക്കണമെന്ന് മന്ത്രാലയം അറിയിച്ചു.
Read Also - കീടനാശിനി കുടിച്ച് ആശുപത്രിയിൽ ചികിത്സയിലായിരുന്ന പ്രവാസി മരിച്ചു
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ