ആഭ്യന്തര സംഘര്ഷം; ഈ രാജ്യത്തേക്കുള്ള യാത്രയ്ക്ക് വിലക്ക് ഏര്പ്പെടുത്തി യുഎഇ
Synopsis
ലെബനോനിലേക്കുള്ള യാത്രകള് ഒഴിവാക്കണമെന്ന് നേരത്തെ നിര്ദ്ദേശം നല്കിയിരുന്നു.
ദുബൈ: യുഎഇ പൗരന്മാര്ക്ക് ലെബനോനിലേക്ക് യാത്രാ വിലക്ക് ഏര്പ്പെടുത്തി. ആഭ്യന്തര സംഘര്ഷം രൂക്ഷമായ സാഹചര്യത്തില് പൗരന്മാരുടെ സുരക്ഷ പരിഗണിച്ചാണ് യാത്രാ വിലക്ക് ഏര്പ്പെടുത്തിയതെന്ന് യുഎഇ വിദേശകാര്യ മന്ത്രാലയം അറിയിച്ചു.
ലെബനോനിലേക്കുള്ള യാത്രകള് ഒഴിവാക്കണമെന്ന് നേരത്തെ നിര്ദ്ദേശം നല്കിയിരുന്നു. സമാന രീതിയില് സൗദി അറേബ്യയും കുവൈത്തും ലെബനോനിലേക്ക് യാത്രാ നിയന്ത്രണം ഏര്പ്പെടുത്തിയിട്ടുണ്ട്. അടിയന്തര സാഹചര്യങ്ങളില് 0097180024 എന്ന നമ്പരില് ബന്ധപ്പെടുക. അല്ലെങ്കില് കോണ്സുലാര് സര്വീസായ ത്വാജുദിയില് രജിസ്റ്റര് ചെയ്യുകയോ വേണമെന്ന് വിദേശകാര്യ മന്ത്രാലയം അറിയിപ്പ് നല്കി.
Read Also - യുഎഇയിലെ മഴക്കെടുതി; വാഹന ഇന്ഷുറന്സിന് പൊലീസ് സര്ട്ടിഫിക്കറ്റ് ലഭിക്കുന്നതെങ്ങനെ? വിശദ വിവരങ്ങള്
വിസയിലെ വ്യക്തിഗത വിവരങ്ങള് ഓണ്ലൈനായി മാറ്റാം; അറിയിപ്പുമായി അധികൃതര്
ദുബൈ: നിലവിലെ താമസവിസയില് വ്യക്തിവിവരങ്ങള് ഓണ്ലൈനായി മാറ്റം വരുത്താന് സൗകര്യം. യുഎഇ ഫെഡറല് അതോറിറ്റി ഫോര് ഐഡന്റിറ്റി, സിറ്റിസണ്ഷിപ്പ്, കസ്റ്റംസ് ആന്ഡ് പോര്ട്സ് സെക്യൂരിറ്റിയാണ് ഇക്കാര്യം പ്രഖ്യാപിച്ചത്.
വ്യക്തി വിവരം, ജോലി, പാസ്പോര്ട്ട് സംബന്ധിച്ച വിവരം, ദേശീയത സംബന്ധിച്ച വിവരങ്ങള് എന്നിവയില് ഓണ്ലൈനായി മാറ്റങ്ങള് വരുത്താം. മാറ്റം വരുത്തി കഴിഞ്ഞാല് അതുപയോഗിച്ച് എമിറേറ്റ്സ് ഐഡി പുതുക്കാനുള്ള അപേക്ഷ സൈറ്റില് വരും. ഫെഡറല് അതോറിറ്റിയുടെ സ്മാര്ട്ട് വെബ്സൈറ്റ്, സ്മാര്ട്ട് ആപ്ലിക്കേഷന് എന്നിവ വഴി ഉപയോക്താക്കള്ക്ക് താമസ വിവരങ്ങളില് തിരുത്തല് വരുത്താനാകും. അതോറിറ്റിയുടെ വെബ്സൈറ്റായ www.icp.gov.ae വഴിയോ UAEICP സ്മാര്ട് ആപ്ലിക്കേഷനിലോ ഇതിനുള്ള സൗകര്യമുണ്ട്. കളര് ഫോട്ടോ, പാസ്പോര്ട്ടിന്റെ കോപ്പി, വിവരങ്ങളില് മാറ്റം വരുത്താന് സ്പോണ്സര് ഒപ്പിട്ടു നല്കിയ അപേക്ഷ, എമിറേറ്റ്സ് ഐഡിയുടെ പകര്പ്പ് എന്നിവയാണ് ഇതിനായി ആവശ്യമുള്ള രേഖകള്.
200 ദിര്ഹമാണ് ഈ സേവനത്തിനുള്ള അപേക്ഷ ഫീസ്. ഇതില് 100 ദിര്ഹം സ്മാര്ട്ട് സര്വീസിനും 50 ദിര്ഹം ആപ്ലിക്കേഷനും 50 ദിര്ഹം ഇ-സേവനങ്ങള്ക്കും ഫെഡറല് അതോറിറ്റി ഫീസുമാണ്. അതേസമയം പൂര്ണമായ രേഖകളോ വിവരങ്ങളോ നല്കാത്ത അപേക്ഷകള് 30 ദിവസത്തിന് ശേഷം നിരസിക്കും. ഇത്തരത്തില് ഒരേ കാരണം മൂന്ന് തവണ ആവര്ത്തിച്ചാലും അപേക്ഷ റദ്ദാകും. അപേക്ഷ റദ്ദായാല് അപേക്ഷാ തീയതിയ്ക്ക് ആറുമാസത്തിനുള്ളില് റീഫണ്ട് ലഭിക്കുന്നതാണ്.
ഏഷ്യാനെറ്റ് ന്യൂസ് ലൈവ് യൂട്യൂബില് കാണാം...
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam