വിമാനങ്ങളിൽ അതിവേഗ ഇന്റർനെറ്റ്‌; ഖത്ത​ർ എ​യ​ർ​വേ​സ് സ്റ്റാ​ർ​ലി​ങ്ക് ഇ​ൻ​സ്റ്റ​ലേ​ഷ​ൻ അ​വ​സാ​ന ഘ​ട്ട​ത്തി​ൽ

എയര്‍ബസ് എ350 വിമാനങ്ങളിലും സ്റ്റാ​ർ​ലി​ങ്ക് വൈ-​ഫൈ സേ​വ​നം ലഭ്യമാക്കാനുള്ള നടപടികള്‍ തുടങ്ങിക്കഴിഞ്ഞു

ദോഹ: ഖ​ത്ത​ർ എ​യ​ർ​വേ​സി​ന്റെ ബോ​യി​ങ് 777 വി​മാ​ന​ങ്ങ​ളി​ൽ സ്റ്റാ​ർ​ലി​ങ്ക് അ​തി​വേ​ഗ ഇ​ന്റ​ർ​നെ​റ്റ് സ്ഥാ​പി​ക്ക​ൽ ഉ​ട​ൻ പൂ​ർ​ത്തി​യാ​കും. ഏതാനും ബോയിംഗ് 777 വിമാനങ്ങളിൽ മാത്രമാണ് ഇനി സ്റ്റാർലിങ്ക് അതിവേഗ ഇന്റർനെറ്റ് സേവനം ലഭ്യമാക്കാനുള്ളൂവെന്ന് ഖത്തർ എയർവേയ്സ് ഗ്രൂപ്പ് സി.ഇ.ഒ എഞ്ചി. ബദർ മുഹമ്മദ് അൽ മീർ പറഞ്ഞു. ഇത് വന്‍ വിജയമായതോടെ എയര്‍ബസ് എ350 വിമാനങ്ങളിലും സ്റ്റാ​ർ​ലി​ങ്ക് വൈ-​ഫൈ സേ​വ​നം ലഭ്യമാക്കാനുള്ള നടപടികള്‍ തുടങ്ങിക്കഴിഞ്ഞു. ഏ​പ്രി​ൽ മാ​സ​ത്തോ​ടെ എ​യ​ർ​ബ​സ് എ350 ​വി​മാ​ന​ങ്ങ​ളി​ലേ​ക്കു​കൂ​ടി ഈ ​സേ​വ​നം വി​പു​ലീ​ക​രി​ക്കാ​നു​ള്ള ത​യാ​റെ​ടു​പ്പി​ലാ​ണെ​ന്ന് ഖ​ത്ത​ർ എ​യ​ർ​വേ​സ് അ​റി​യി​ച്ചു.

സ്റ്റാ​ർ​ലി​ങ്ക് വൈ-​ഫൈ സേ​വ​നം ആ​രം​ഭി​ക്കു​ന്ന​തോ​ടെ, എ350 ​വി​മാ​ന യാ​ത്ര​ക്കാ​ർ​ക്കും അ​ത്യാ​ധു​നി​ക അ​തി​വേ​ഗ ഇ​ന്റ​ർ​നെ​റ്റ് ഓ​ൺ-​ബോ​ർ​ഡ് ല​ഭ്യ​മാ​ക്കു​ന്ന ലോ​ക​ത്തി​ലെ ആ​ദ്യ എ​യ​ർ​ലൈ​നാ​യി ഖ​ത്ത​ർ എ​യ​ർ​വേ​സ് മാറും. സ്റ്റാ​ർ​ലി​ങ്കി​ന്റെ അ​തി​വേ​ഗ ഇ​ന്റ​ർ​നെ​റ്റ് ഓ​ൺ-​ബോ​ർ​ഡ് വാ​ഗ്ദാ​നം ചെ​യ്യു​ന്ന ഏ​റ്റ​വും വ​ലി​യ ആ​ഗോ​ള എ​യ​ർ​ലൈ​ൻ കൂ​ടി​യാ​ണ് ഖ​ത്ത​ർ എ​യര്‍​​വേ​സ്. 35,000 അടി ഉയരത്തിൽ സ്ട്രീമിംഗ്, ഗെയിമിംഗ്, അതിവേഗ ബ്രൗസിംഗ് എന്നിവ സൗജന്യമായാണ് വൈ-ഫൈ വഴി യാത്രക്കാർക്ക് ലഭ്യമാക്കുന്നത്.