അനധികൃതമായി വാഹന റിപ്പയറിങ് നടത്തിയ പ്രവാസികള് അറസ്റ്റില്
Synopsis
വിവിധ മേഖലകളില് നിയമ വിരുദ്ധമായി ജോലി ചെയ്യുന്ന പ്രവാസികളെ കണ്ടെത്താന് രാജ്യത്തിന്റെ എല്ലാ ഭാഗങ്ങളിലും അധികൃതര് പരിശോധന നടത്തുന്നുണ്ട്.
കുവൈത്ത് സിറ്റി: കുവൈത്തില് നിയമലംഘകരായ പ്രവാസികളെ കണ്ടെത്താന് ലക്ഷ്യമിട്ടുള്ള പരിശോധനകള് തുടരുന്നു. അനധികൃതമായി വാഹന റിപ്പയറിങ് ജോലികള് ചെയ്ത നിരവധി പ്രവാസികളെ കഴിഞ്ഞ ദിവസം അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു. തുറസായ സ്ഥലങ്ങളില് വാഹനങ്ങളില് അറ്റകുറ്റപ്പണികള് നടത്തിയിരുന്നവരാണ് കഴിഞ്ഞ ദിവസത്തെ പരിശോധകളില് കുടുങ്ങിയത്. തുടര് നിയമ നടപടികള്ക്കായി ഇവരെ ബന്ധപ്പെട്ട വകുപ്പുകള്ക്ക് കൈമാറുന്നതിനുള്ള കാര്യങ്ങള് പൂര്ത്തിയാക്കിയതായി ആഭ്യന്തര മന്ത്രാലയം അറിയിച്ചു.
വിവിധ മേഖലകളില് നിയമ വിരുദ്ധമായി ജോലി ചെയ്യുന്ന പ്രവാസികളെ കണ്ടെത്താന് രാജ്യത്തിന്റെ എല്ലാ ഭാഗങ്ങളിലും അധികൃതര് പരിശോധന നടത്തുന്നുണ്ട്. തലസ്ഥാന ഗവര്ണറേറ്റിലും ഫര്വാനിയയിലും കഴിഞ്ഞ ദിവസം നടത്തിയ പരിശോധനയില് ആറ് പ്രവാസികള് അറസ്റ്റിലായി. മരുന്നുകള് നിര്മിച്ച് വിതരണം ചെയ്തിരുന്ന ഒരു വ്യാജ ഫാര്മസിസ്റ്റും പിടിയിലായവരില് ഉള്പ്പെടുന്നു. ഇയാള്ക്കെതിരെ മറ്റ് നിയമനടപടികളം സ്വീകരിച്ചിട്ടുണ്ട്. എട്ട് നിയമലംഘനങ്ങളാണ് ഇയാള് നടത്തിയിരുന്ന ഫാര്മസിയില് കണ്ടെത്തിയത്. സ്ഥാപനം അധികൃതര് അടച്ചുപൂട്ടി സീല് ചെയ്തുു. അറസ്റ്റിലായ മറ്റുള്ളവരെയും തുടര് നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറി.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ