ലോക രക്തദാന ദിനം; കുവൈത്തിൽ ഇന്ത്യൻ എംബസിയുടെ നേതൃത്വത്തിൽ രക്തദാന ക്യാമ്പ്

കുവൈത്തിൽ ഇന്ത്യൻ എംബസിയുടെ നേതൃത്വത്തിൽ രക്തദാന ക്യാമ്പ് സംഘടിപ്പിച്ചു. ഇന്ത്യൻ അംബാസഡർ പരമിത ത്രിപാഠിയും അഹ്മദി ഗവർണറേറ്റ് ഗവർണർ ശൈഖ് ഹമൂദ് ജാബർ അൽ-അഹ്മദ് അൽ-സബാഹും ചേർന്ന് ക്യാമ്പ് ഉദ്ഘാടനം ചെയ്തു.

കുവൈത്ത് സിറ്റി: ലോക രക്തദാന ദിനത്തോടനുബന്ധിച്ച് കുവൈത്തിലെ ഇന്ത്യൻ എംബസി, ബ്ലഡ് ഡോണേഴ്സ് കേരള, ഫെഡറേഷൻ ഓഫ് ഇന്ത്യൻ ഡോക്ടേഴ്സ് എന്നിവയുടെ സഹകരണത്തോടെ അദാൻ ആശുപത്രിയിലും ബ്ലഡ് ബാങ്കിലും രക്തദാന ക്യാമ്പ് സംഘടിപ്പിച്ചു. ഇന്ത്യൻ അംബാസഡർ പരമിത ത്രിപാഠിയും അഹ്മദി ഗവർണറേറ്റ് ഗവർണർ ശൈഖ് ഹമൂദ് ജാബർ അൽ-അഹ്മദ് അൽ-സബാഹും ചേർന്ന് ക്യാമ്പ് ഉദ്ഘാടനം ചെയ്തു.

ക്യാമ്പിലെ ആദ്യ രക്തദാതാവായി ശൈഖ് ഹമൂദ് ജാബർ അൽ-അഹ്മദ് അൽ-സബാഹ് പങ്കെടുത്തു. ഇന്ത്യൻ സമൂഹത്തിൽ നിന്ന് ലഭിച്ച വൻ പിന്തുണയ്ക്കും രക്തദാതാക്കൾക്കും സന്നദ്ധ പ്രവർത്തകർക്കും ഇന്ത്യൻ എംബസി നന്ദി രേഖപ്പെടുത്തി. ഈ പങ്കാളിത്തം കരുണയുടെയും സേവന മനോഭാവത്തിന്‍റെയും ഇന്ത്യ-കുവൈത്ത് സൗഹൃദത്തിന്റെയും ശക്തമായ പ്രതീകമാണെന്ന് എംബസി അറിയിച്ചു.