ഇനി ഖത്തറിൽ മാമ്പഴത്തിന്റെ ​ഗന്ധം, സൂഖ് വാഖിഫിൽ വീണ്ടും ഇന്ത്യൻ മാമ്പഴ മേള

ജൂൺ 12 മുതൽ 21 വരെയാണ് ഇ​ന്ത്യ​ൻ മാ​മ്പ​ഴ​മേ​ളയായ ‘അൽ ഹം​ബ’ പ്ര​ദ​ർ​ശ​നം

ദോഹ: ഖത്തറിൽ ഇ​ന്ത്യ​ൻ മാ​മ്പ​ഴ​ങ്ങളുമായി അൽ ഹംബ ഫെസ്റ്റിവൽ വീ​ണ്ടു​മെ​ത്തു​ന്നു. ഇ​ന്ത്യ​ൻ എം​ബ​സി​യു​ടെ നേ​തൃ​ത്വ​ത്തി​ൽ സൂ​ഖ് വാ​ഖി​ഫി​ൽ ക​ഴി​ഞ്ഞ വ​ർ​ഷം തു​ട​ക്കം കു​റി​ച്ച മാ​മ്പ​ഴ​മേ​ള​യു​ടെ ര​ണ്ടാ​മ​ത് എ​ഡി​ഷ​നാണ് ജൂ​ൺ 12ന് ​ആ​രം​ഭി​ക്കുന്നത്. ജൂ​ൺ 21 വ​രെ 10 ദി​വ​സ​മാ​ണ് മാ​മ്പ​ഴ​ങ്ങ​ളു​ടെ ഉ​ത്സ​വ​മാ​യി ഹം​ബ എ​ക്സി​ബി​ഷ​ൻ അ​ര​ങ്ങേ​റു​ന്ന​ത്. ഇ​ന്ത്യ​ൻ എം​ബ​സി​യും പ്രൈ​വ​റ്റ് എ​ൻ​ജി​നീ​യ​റി​ങ് ഓ​ഫി​സ് സെ​ലി​ബ്രേ​ഷ​ൻ ക​മ്മി​റ്റി​യും ചേ​ർ​ന്നാ​ണ് മേ​ള​ക്ക് ആ​തി​ഥ്യ​മൊ​രു​ക്കു​ന്ന​ത്.

ക​ഴി​ഞ്ഞ വ​ർ​ഷമാണ് അൽ ഹം​ബ മാ​മ്പ​​ഴ​മേ​ള​ക്ക് സൂ​ഖ് വാ​ഖി​ഫ് ആ​ദ്യ​മാ​യി വേ​ദി​യൊ​രു​ക്കി​യ​ത്. സ്വ​ദേ​ശി​ക​ളും, വി​വി​ധ രാ​ജ്യ​ക്കാ​രാ​യ പ്ര​വാ​സി​ക​ളും ഉ​ൾ​പ്പെ​ടെ സ​ന്ദ​ർ​ശ​ക​രുടെ വ​ലി​യ പ​ങ്കാ​ളി​ത്തം​ കൊ​ണ്ട് മേള വൻ വിജയമായി. ഇ​ത്ത​വ​ണ കൂ​ടു​ത​ൽ വി​പു​ല​മാ​യാണ് മേ​ള സം​ഘ​ടി​പ്പി​ക്കു​ന്ന​ത്. ​പ്രാ​ദേ​ശി​ക സ്ഥാ​പ​ന​ങ്ങ​ളും ഇ​ന്ത്യ​ൻ ക​മ്പ​നി​ക​ളും പ​ങ്കാ​ളി​ക​ളാ​കും.

ഇ​ന്ത്യ​യു​ടെ വി​വി​ധ ഭാ​ഗ​ങ്ങ​ളി​ൽ​നി​ന്നാ​യി ഇ​റ​ക്കു​മ​തി ചെ​യ്യു​ന്ന മാ​മ്പ​ഴ​ങ്ങ​ളു​ടെ വി​പു​ല ശേ​ഖ​ര​വും ഹം​ബ എ​ക്സി​ബി​ഷ​നി​ൽ ഒരുക്കും. വ്യ​ത്യ​സ്ത ഇ​നം മാ​മ്പ​ഴ​ങ്ങ​ൾ​ക്ക് പു​റ​മെ, മ​ധു​ര​പ​ല​ഹാ​ര​ങ്ങ​ൾ, അ​ച്ചാ​റു​ക​ൾ, ജ്യൂ​സ് തുടങ്ങി മാ​ങ്ങകൊണ്ടുള്ള അ​നു​ബ​ന്ധ ഉ​ൽ​പ്പന്ന​ങ്ങ​ളും സന്ദർശകർക്കായി മേ​ള​യിൽ ഉണ്ടാകും. പുതിയ മാമ്പഴ ഇനങ്ങളും ആദ്യമായി വിപണിയിൽ അവതരിപ്പിക്കും.

ഖത്തറിലെ ചൂ​ടുള്ള കാ​ലാ​വ​സ്ഥ​യി​ൽ മാ​മ്പ​ഴ​ങ്ങ​ൾ കേ​ടു വ​രാ​തെ സൂ​ക്ഷി​ക്കു​ന്ന​തി​നും, ​ഗു​ണ​മേ​ന്മ ഉ​റ​പ്പാ​ക്കു​ന്ന​തി​ന്റെ​യും ഭാ​ഗ​മാ​യി സൂ​ഖ് വാ​ഖി​ഫി​ൽ ശീ​തീ​ക​രി​ച്ച പ്ര​ത്യേ​ക ​ഹാ​ളി​ലാ​ണ് പ്ര​ദ​ർ​ശ​ന​മൊ​രു​ക്കു​ന്ന​ത്. ​ദി​വ​സ​വും വൈ​കു​ന്നേ​രം നാ​ല് മു​ത​ൽ രാ​ത്രി ഒ​മ്പ​ത് വ​രെ​യാ​ണ് സന്ദർശകർക്ക് പ്ര​വേ​ശ​നം അ​നു​വ​ദി​ക്കു​ന്ന​ത്. വെ​ള്ളി​യാ​ഴ്ച ഉ​ൾ​പ്പെ​ടെ പൊ​തു അ​വ​ധി ദി​വ​സ​ങ്ങ​ളി​ൽ രാ​ത്രി 10 വ​രെയും തു​ട​രും.