കണ്ടാൽ ഒറിജിനലിനെ വെല്ലും, തുറന്നാൽ തീർന്നു; വെയർഹൗസിൽ റെയ്ഡിൽ പിടികൂടിയത് 41,000 കുപ്പി വ്യാജ പെർഫ്യൂം
Synopsis
വെയര്ഹൗസില് ഉദ്യോഗസ്ഥര് നടത്തിയ വിശദമായ പരിശോധനയിലാണ് ഇവ പിടികൂടിയത്.
കുവൈത്ത് സിറ്റി: കുവൈത്തില് ആയിരക്കണക്കിന് വ്യാജ പെര്ഫ്യൂമുകള് പിടിച്ചെടുത്തു. അന്താരാഷ്ട്ര ബ്രാന്ഡുകളുടെ പേരുകളില് നിര്മ്മിച്ച വ്യാജ പെര്ഫ്യൂമുകളാണ് പിടികൂടിയത്.
ഹവാലി ഗവര്ണറേറ്റില് നിന്നാണ് 41,000 കുപ്പി വ്യാജ പെര്ഫ്യൂമുകള് പിടികൂടിയത്. മാന്പവര് ഉദ്യോഗസ്ഥര്, ജനറല് ഫയര് ഡിപ്പാര്ട്ട്മെന്റ്, വാണിജ്യ-വ്യവസായ മന്ത്രാലയം എന്നിവരടങ്ങുന്ന സംയുക്ത ടീമുകള് നടത്തിയ റെയ്ഡിലാണ് വെയര്ഹൗസില് നിന്ന് ഇവ പിടികൂടിയത്. വാണിജ്യ-വ്യവസായ മന്ത്രാലയത്തിലെ കൊമേഴ്സ്യല് കണ്ട്രോള് ഡയറക്ടര് ഫൈസല് അല് അന്സാരിയുടെ നേത്യത്വത്തിലായിരുന്നു പരിശോധന നടത്തിയത്. വ്യാജ ഉല്പ്പന്നങ്ങൾ നിര്മ്മിച്ച സ്ഥാപന ഉടമയെ കൊമേഴ്സ്യല് പ്രോസിക്യൂഷന് റഫര് ചെയ്യ്തു. വെയര്ഹൗസ് അധികൃതര് പൂട്ടിച്ചു.
(പ്രതീകാത്മക ചിത്രം)
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam