മതചിഹ്നം പതിച്ച ആഭരണങ്ങള് വില്പ്പനയ്ക്ക് വെച്ചു; കുവൈത്തില് ജ്വല്ലറിക്ക് 'പൂട്ട്'
Synopsis
പ്രമുഖ അന്താരാഷ്ട്ര ബ്രാന്ഡുകളുടെ വ്യാജ ഉല്പ്പന്നങ്ങള് പ്രദര്ശിപ്പിക്കുകയും വില്പ്പന നടത്തുകയും ചെയ്യുക, അറബിക് അല്ലാത്ത ഭാഷയില് ഇന്വോയിസുകള് നല്കുക, അനധികൃതമായി മതചിഹ്നങ്ങള് മുദ്രണം ചെയ്ത ആഭരണങ്ങള് പ്രദര്ശിപ്പിക്കുകയും വില്പ്പന നടത്തുകയും ചെയ്യുക എന്നീ നിയമലംഘനങ്ങളാണ് കണ്ടെത്തിയത്.
കുവൈത്ത് സിറ്റി: കുവൈത്തില് മതചിഹ്നങ്ങള് മുദ്രണം ചെയ്ത ആഭരണങ്ങള് വില്പ്പനയ്ക്ക് വെച്ചത് ഉള്പ്പെടെ വിവിധ നിയമലംഘനങ്ങള് കണ്ടെത്തിയതിനെ തുടര്ന്ന് ഒരു ജ്വല്ലറി വാണിജ്യ മന്ത്രാലയ ഉദ്യോഗസ്ഥര് അടച്ചുപൂട്ടി. നിയമലംഘനങ്ങള് കണ്ടെത്തിയ സാല്മിയയിലെ ഒരു ജ്വല്ലറിയാണ് പൂട്ടിയത്.
പ്രമുഖ അന്താരാഷ്ട്ര ബ്രാന്ഡുകളുടെ വ്യാജ ഉല്പ്പന്നങ്ങള് പ്രദര്ശിപ്പിക്കുകയും വില്പ്പന നടത്തുകയും ചെയ്യുക, അറബിക് അല്ലാത്ത ഭാഷയില് ഇന്വോയിസുകള് നല്കുക, അനധികൃതമായി മതചിഹ്നങ്ങള് മുദ്രണം ചെയ്ത ആഭരണങ്ങള് പ്രദര്ശിപ്പിക്കുകയും വില്പ്പന നടത്തുകയും ചെയ്യുക എന്നീ നിയമലംഘനങ്ങളാണ് കണ്ടെത്തിയത്.
ഉപഭോക്താവിന്റെ ഡേറ്റ പര്ച്ചേസ് ഇന്വോയിസില് സൂക്ഷിക്കാതിരിക്കുക, ഇലക്ട്രോണിക് ഇതര ഇന്വോയിസുകള് നല്കുക, സ്ഥാപനത്തില് ദിവസവുമുള്ള വില്പ്പനയുടെ കണക്കുകള് സൂക്ഷിക്കാതിരിക്കുക എന്നിവയും നിയമലംഘനത്തില്പ്പെടുന്നു.
കുവൈത്തില് മദ്യം നിര്മിച്ച് വിതരണം ചെയ്തരുന്ന കേന്ദ്രങ്ങളില് റെയ്ഡ്
നിയമലംഘകരായ പ്രവാസികളെ കണ്ടെത്താന് വ്യാപക പരിശോധന; 80 പേര് അറസ്റ്റില്
കുവൈത്ത് സിറ്റി: കുവൈത്തിലെ തൊഴില്, താമസ നിയമങ്ങള് ലംഘിക്കുന്ന പ്രവാസികളെ കണ്ടെത്താന് ലക്ഷ്യമിട്ടുള്ള പരിശോധനകള് തുടരുന്നു. സ്പോണ്സര്മാരില് നിന്ന് ഒളിച്ചോടിയവര് ഉള്പ്പെടെയുള്ള നിയമലംഘകരെയും മറ്റ് കേസുകളില് അധികൃതര് അന്വേച്ചിരുന്നവരും ഇപ്പോഴത്തെ പരിശോധനകളില് അറസ്റ്റിലായിട്ടുണ്ട്.
ജലീബ് അല് ശുയൂഖ്, സാല്മിയ, സാല്ഹിയ ഏരിയകളില് നടത്തിയ പരിശോധനകളില് 80 പേര് അറസ്റ്റിലായെന്ന് ആഭ്യന്തര മന്ത്രാലയം പുറത്തുവിട്ട പ്രസ്താവനയില് പറയുന്നു. സ്പോണ്സര്മാരില് നിന്ന് ഒളിച്ചോടിയ 48 പേരും താമസ രേഖകളുടെ കാലാവധി കഴിഞ്ഞ 13 പേരും വിസാ കാലാവധി കഴിഞ്ഞ രണ്ട് പേരും തിരിച്ചറിയല് രേഖകളൊന്നും കൈവശമില്ലാതിരുന്ന 12 പേരും ഇക്കൂട്ടത്തിലുണ്ടായിരുന്നു.
സൂര്യോദയത്തിന് മുമ്പ് താമസ സ്ഥലങ്ങളില് അപ്രതീക്ഷിത പരിശോധന; നൂറോളം പ്രവാസികള് അറസ്റ്റില്
താമസ സ്ഥലങ്ങളില് വ്യാപക പരിശോധന; 328 പ്രവാസികള് അറസ്റ്റില്
കുവൈത്ത് സിറ്റി: കുവൈത്തില് അനധികൃത താമസക്കാരായ പ്രവാസികളെയും തൊഴില് നിയമ ലംഘകരെയും കണ്ടെത്താനുള്ള പരിശോധനകള് തുടരുന്നു. വെള്ളിയാഴ്ച 328 പേരെ വിവിധ സ്ഥലങ്ങളില് നിന്ന് അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു. വ്യാഴാഴ്ച സൂര്യോദയത്തിന് മുമ്പും പ്രവാസികളുടെ താമസ സ്ഥലങ്ങളില് പരിശോധന നടന്നിരുന്നു.
നിയമ ലംഘകര്ക്ക് പുറമെ വിവിധ കേസുകളില് പൊലീസ് അന്വേഷിച്ചു കൊണ്ടിരിക്കുന്നവരും അറസ്റ്റിലായവരില് ഉള്പ്പെടുന്നു. അഹ്മദി ഗവര്ണറേറ്റിലെ അല് വഫ്റ, മിന അബ്ദുല്ല ഏരിയകളില് പബ്ലിക് സെക്യൂരിറ്റി വിഭാഗം ഉദ്യോഗസ്ഥര് നടത്തിയ പരിശോധനയില് 162 പേരെ പിടികൂടി. വിവിധ നിയമ ലംഘനങ്ങള് ഇവരില് കണ്ടെത്തിയതായി ആഭ്യന്തര മന്ത്രാലയത്തിലെ സെക്യൂരിറ്റി മീഡിയ ആന്റ് പബ്ലിക് റിലേഷന്സ് വകുപ്പ് പുറത്തിറക്കിയ പ്രസ്താവനയില് അറിയിച്ചു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ