നീക്കം ചെയ്തത് മൂന്ന് ടൺ മത്സ്യബന്ധന വലകൾ, അപൂർവമായ ഹോക്‌സ്ബിൽ കടലാമയെ രക്ഷപ്പെടുത്തി

ഉപേക്ഷിക്കപ്പെട്ട മൂന്ന് ടൺ മത്സ്യബന്ധന വലകൾ നീക്കം ചെയ്യുന്നതിനിടെയാണ് ഹോക്‌സ്ബിൽ കടലാമകളെ രക്ഷപ്പെടുത്തിയത്. 

കുവൈത്ത് സിറ്റി: അപൂർവമായ ഹോക്‌സ്ബിൽ കടലാമ ഉൾപ്പെടെയുള്ള കുടുങ്ങിപ്പോയ സമുദ്രജീവികളെ രക്ഷപ്പെടുത്തി കുവൈത്ത് ഡൈവിംഗ് ടീം. തെക്കൻ കുവൈത്ത് കടലിലെ ബിനൈദ്‌റിൽ  ഉപേക്ഷിക്കപ്പെട്ട മൂന്ന് ടൺ മത്സ്യബന്ധന വലകൾ വോളന്‍ററി എൻവയോൺമെന്‍റൽ ഫൗണ്ടേഷനിലെ കുവൈത്ത് ഡൈവിംഗ് ടീം നീക്കം ചെയ്തു. അപൂർവമായ ഹോക്‌സ്ബിൽ കടലാമയെയും രക്ഷപ്പെടുത്തുകയായിരുന്നു. 

ആവശ്യമായ നടപടികൾ സ്വീകരിക്കുന്നതിനായി സയന്‍റിഫിക് സെന്‍ററിന് അവയെ കൈമാറി. ബ്‌നൈദർ തീരത്ത് നിന്ന് മൂന്ന് കിലോമീറ്റർ അകലെ വലകൾ വീണതായി ഡൈവിംഗ് ടീമിന് റിപ്പോർട്ട് ലഭിച്ചെന്നും നാവിഗേഷനും സമുദ്രജീവികൾക്കും അവയുടെ അപകടം കണക്കിലെടുത്ത് അവ നീക്കം ചെയ്യാൻ പുറപ്പെട്ടുവെന്നുമാണ് ടീം ലീഡർ വാലിദ് അൽ ഫാദൽ പറഞ്ഞത്.

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം