ന്യൂനമർദ്ദം; ഒമാനില്‍ ഇന്നും നാളെയും മഴയ്ക്ക് സാധ്യത

വ്യാഴം, വെള്ളി ദിവസങ്ങളിലാണ് രാജ്യത്ത് വിവിധ ഗവര്‍ണറേറ്റുകളില്‍ ന്യൂനമര്‍ദ്ദത്തെ തുടര്‍ന്ന് മഴയ്ക്കുള്ള സാധ്യത പ്രവചിക്കുന്നത്. 

മസ്കറ്റ്: ഒമാനില്‍ ഇന്നും നാളെയും ന്യൂനമര്‍ദ്ദം ബാധിക്കുമെന്ന് കാലാവസ്ഥ നിരീക്ഷണ കേന്ദ്രത്തിന്‍റെ അറിയിപ്പ്. ഫെബ്രുവരി 20, 21 തീയതികളിലാണ് രാജ്യത്തുടനീളം ന്യൂനമര്‍ദ്ദം ബാധിക്കുക.

വടക്കന്‍ ഗവര്‍ണറേറ്റുകളില്‍ അന്തരീക്ഷം മേഘാവൃതമായിരിക്കും. മുസന്ദം ഗവര്‍ണറേറ്റില്‍ വ്യത്യസ്ത തീവ്രതയില്‍ മഴ ലഭിക്കും. മറ്റ് ഗവര്‍ണറേറ്റുകളില്‍ ഒറ്റപ്പെട്ട മഴയ്ക്കുള്ള സാധ്യതയുമുണ്ട്. ബുറൈമി, ദാഹിറ, വടക്ക്-തെക്കൻ ബാത്തിന, ദാഖിലിയ ഗവർണറേറ്റുകളിൽ മഴയ്ക്കുള്ള സാധ്യത പ്രവചിക്കുന്നുണ്ട്. മുസന്ദം, അൽ ഹജർ പർവതനിരകളുടെ ചില ഭാഗങ്ങളിലും ഒമാൻ കടലിന്റെ തീരപ്രദേശങ്ങളിലും ഒറ്റപ്പെട്ട മഴയ്ക്ക് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. 

ഏഷ്യാനെറ്റ് ന്യൂസ് വാർത്തകൾ തത്സമയം കാണാം