കൊവിഡ് ബാധിതനായി സലാല സുൽത്താൻ ഖാബൂസ് ആശുപത്രിയിൽ ചികിത്സയിലായിരുന്നു.
സലാല: കൊവിഡ് ബാധിച്ച് ഒമാനില്‍ ചികിത്സയിലായിരുന്ന മലയാളി യുവാവ് മരിച്ചു. കൊല്ലം ഉമയനല്ലൂർ പേരയം സ്വദേശി പുത്തൻവിള വീട്ടിൽ രതീഷ് രാജേന്ദ്രൻ (34) ആണ് സലാലയിൽ മരിച്ചത്. കൊവിഡ് ബാധിതനായി സലാല സുൽത്താൻ ഖാബൂസ് ആശുപത്രിയിൽ ചികിത്സയിലായിരുന്നു.
മർമൂലിൽ ഹർവീൽ യുനൈറ്റഡ് എന്ന കമ്പനിയിൽ പ്രൊജക്ട് എഞ്ചിനീയറായി ജോലി ചെയ്‍തുവരികയായിരുന്നു. ഭാര്യ ലിജിയും മകനും സലാലയിലുണ്ട്. മൃതദേഹം കൊവിഡ് പ്രോട്ടോകോൾ അനുസരിച്ച് സലാലയിൽ സംസ്കരിക്കും.